ÎHDyê bang li raya giştî ya navneteweyî kir; gelên Elewî û Ermenî tên armancgirtin.

ÎHDyê bang li civaka navneteweyî kir ku li dijî krîza mirovahî ya giran bêdeng nemînin û got ku li Sûriyeyê DAIŞê êriş li dijî Laziqî, Ceblê û Humsê zêde kirine.

Navenda Giştî ya Komeleya Mafên Mirovan (ÎHD) bang li raya giştî ya navneteweyî kir ku di van rojên dawîn de li Sûriyeyê bi taybet komeleyên Elewî û Ermenî bûne armanca êrişan. IHDyê bal kişand ku êrişên li dijî taxên Lazkiyê, Ceblê û Humsê ku ew lê dijîn, di sê rojên dawî de zêde bûne.

ÎHDê di daxuyaniya xwe de ku aloziya li hin herêmên Sûriyê çêbûne anî zimên û diyar kir ku piştî hilweşandina rejîma Beşar Esed di 8ê Kanûnê de, HTŞyê desthilatdarî bi dest xistiye û êrişên xwe yên sîstematîk li dijî komên olî û mezhebî yên cuda, bi taybetî Elewiyan didomîne.

ÎHDyê di daxuyaniya xwe de ev got: "Em wek Komeleya Mafên Mirovan bang li rêxistinên mafên mirovan ên navneteweyî û raya giştî ya demokratîk dikin ku li hemberî van êrişên li Sûriyeyê û krîza mirovahî ya giran bêdeng nemînin û ji bo rawestandina van êrişan tev bigerin. Ji ber ku Neteweyên Yekbûyî, mixabin, di vê mijarê de erka xwe bi cih neaniye, em careke din bang li Neteweyên Yekbûyî dikin ku li dijî krîza mirovahî ya li Sûriyeyê jî dengê xwe bilind bike, wek ku li seranserê cîhanê tê jiyîn, helwestê nîşan bide û sizayan bi kar bîne."