Cihgirê Hevserokên Giştî yên DEM Partiyê Tayip Temel got ku ew li bende ne ku Hevseroka Gerînendeya Peywendiyên Derve ya Rêveberiya Xweser Îlham Ehmed jî beşdarî Konferansa “Aştî û Civaka Demokratîk a Navneteweyî” ya li Stenbolê bibe.

Partiya Wekhevî û Demokrasiyê ya Gelan (DEM Partî) dê di 6-7ê Kanûnê de li Stenbolê Konferansa “Aştî û Civaka Demokratîk a Navneteweyî” li dar bixe. Tê payin ku ji Kurdistan, Tirkiye û gelek welatên cîhanê kesayetên navdar beşdarî konferansê bibin. Di konferansê de dê pêvajoya “Aştî û Civaka Demokratîk” a ku ji aliyê Abdullah Ocalan ve hatiye destpêkirin bê nîqaşkirin. Ji Bask heta Afrîkayê, ji Kazakistan û heta Belçîkayê gelek kes dê beşdarî konferansê bibin, her wiha rêxistina Sînn Feîn a Îrlandayê jî dê beşdarî konferansê bibe.

Tayip Temel da zanîn ku ew di nava hewldan û xebatê de ne ji bo ku Hevseroka Gerînendeya Peywendiyên Derve ya Rêveberiya Xweser Îlham Ehmed jî beşdarî konferansê bibe û axaftina xwe wiha domand: “Heger mercên wê pêk werin dê Îlham Ehmed li ser navê Rêveberiya Xweser a li Rojavayê Kurdistanê tev li konferansê bibe, lê hegere nikaribe were, dê peyamekê bişîne yan jî bi telekonferansê beşdar bibe.