Hîzbullaha Iraqê daxuyaniyek belav kir û got, “Divê hemû hêzên dagirker, NATO û Artêşa Tirkiyeyê, ji axa Iraqê derbikevin.

Hîzbullaha Iraqê daxuyaniyeke nivîskî belav kir û diyar kir ku heta ku hêzên biyanî ji axa Iraqê dernekevin ew çek danaynin û Hîzbullahê di daxuyaniya xwe de Hêzên Pêşmerge jî wek hêzeke biyanî binav kir.

"Divê hêzên biyanî ji Iraqê derkevin"

Hîzbullahê di daxuyaniyekê de got, "Parastin maf e û çek dê di destê şervanên me de bimînin û divê hemî hêzên çekdar ên biyanî ji axa Iraqê derkevin."

• Tabûrên Hizbullahê yên Iraqê kî ne?
• Tabûrên Hizbullahê yên Iraqê ji sala 2003an heta niha beşek ji Artêşa Mehdî bûn.
• Ji sala 2007an vir ve, hin ji rêberên wê ji Artêşa Mehdî veqetiyane û xwe wekî sekreterên Hizbullahê yên Iraqê ragihndine.
• Ew wekî komeke mezin di nav Heşdî Şebî de tê hesibandin.
• Ew lîwayên 45, 46 û 47an ên Heşdî Şebî pêk tînin.
• Ew ji hêla Ehmed Hemîdawî, ku wekî Ebû Fedeq jî tê zanîn, ve têne rêvebirin, ku di heman demê de serokê karmendên Heşdî Şebî ye.
• Di sala 2019an de, 7,000 şervanên wan hebûn.
• Çalakiyên wan li Iraq û Sûriyeyê li dijî artêşa Amerîkî û hêzên biyanî ne.