Endamê Konseya Birêveber a KCKyê Mustefa Karasû ragihand ku "heta ku pirsa Kurd neyê çareserkirin, dê zemîna derbeyê ji ber dijminatiya Kurdan hertim hebe."

Karasû di hevpeyvînekê de bi Ajansa nûçeyan a Firatê re ragihand ku "heta ku pirsa Kurd neyê çareserkirin, hin derdor wê timî xwe weke dijminên Kurdan nîşan bidin û hewl bidin zemîna darbeyê li Tirkiyeyê biafirînin."

Endamê Konseya Birêveber a KCKyê da zanîn ku "li Tirkiyeyê ji bo darbeyê hertim behane hene. Behaneya bingehîn a darbeya 12ê Îlonê jî, zêdebûna xwesteka azadiyê ya Kurdan û birêxistinbûna wan a bi vê armancê bû, wiha jî hinek bêzar dibin ku pirsa Kurd ketiye rojevê. Ji ber vê jî, ev kesên li derdor; xwe weke hêza ku vî welatî nedin parçekirin nîşan didin û bi vî rengî dixwazin bibin xwedî hêz."

Mustafa Karasû tekez kir ku "heta ku pirsa Kurd neyê çareserkirin, dê hertim li Tirkiyeyê zemînek hebe ku bibe sedema darbeyê."