Nûnerê Taybet ê Serokê Amerîkayê yê Kar û Barên Sûriyeyê Tom Barrack li ser navê Serokê Amarîkayê Donald Trump û Wezîrê Derve Marko Rubio vê êvarê serdana Şamê kir.

Barrack bang li hemû aliyan kir ku xweragir bin, tavilê şer û pevçûnan rawestînin û li gorî rêkeftinên 10ê Adar û 1ê Nîsana 2025an ên di navbera hikûmeta Sûriye û Hêzên Sûriyeya Demokratîk (HSD) de vegerin diyalogê.

Nûnerê Amerîkî Tom Barrack bi Serokê Hikûmeta Veguhêz a Sûriyeyê Ehmed Şer'i Wezîrê Derve Esed Şeybanî û tîma wan re civiya da ku li ser pêşketinên dawî yên li Helebê û rewşa veguhertina dîrokî ya Sûriyeyê nîqaş bikin.

Barrcak tekez kir ku Serok Trump vê gavê wekî derfeteke girîng dibîne ji bo avakirina Sûriyeyeke nû, dewleteke yekgirtî ku hemû mezheb bi rêz û rûmetê têne dermankirin, û ji ber vê yekê ew razî bû ku cezayan rake "da ku derfetekê bide Sûriyeyê ku pêşde biçe".

Amerîkayê pêşwazî li veguhertina dîrokî li Sûriyeyê kir, piştgiriya xwe ji bo hikûmeta Sûriyeyê di hewildanên wê yên ji bo bidestxistina Ewlekariyek maînde diyar kir, û piştgiriya xwe ya berdewam xebat li ser têkbirina DAIŞê û xurtkirina ewlehiyê tekez kir.

Nûnerê Amerîkî nîgeraniya xwe li ser pêşketinên dawî yên li Helebê anî ziman, bang li hemû aliyan kir ku xweragir bin, tavilê şer û pevçûnan rawestînin û li gorî rêkeftinên 10ê Adar û 1ê Nîsana 2025an ên di navbera hikûmeta Sûriyê û Hêzên Demokratîk ên Sûriyê de vegerin diyalogê.

Tîma Wezîrê Derve yê Amerîkayê amadebûna xwe ji bo hêsankirina diyalogeke avaker ji bo pêşvebirina pêvajoyeke entegrasyonê ya berfireh û berpirsiyar ku rêzê li yekparçeyiya Sûriyeyê digire, piştrast kir, û tekez kir ku armanca dawîn dewleteke Sûriyeyê ya serwer û yekgirtî ye ku hemû welatî tê de di aştî, edalet û wekheviyê de bijîn.

Barak bang li cîranên Sûriyeyê û civaka navneteweyî kir ku piştgiriyê bidin vê vîzyonê û hevkarî û alîkariya pêwîst ji bo bidestxistina wê peyda bikin.