Îro sibê pênc caran êrişî baregeha leşkerî ya Amerîkî û konsulxaneya Amerîkî ya li Hewlêrê kirin û du dron ji aliyê pergala parastinê ve hatin xistin.

Dronên li Hewlêrê

Îro sibê du dronên bombebarkirî di navbera Balafirgeha Navneteweyî ya Hewlêrê û herêma Kanî Qirjela de hatin xistin. Pergala parastinê ya balafirgehê karîbû her du dronên li asman biteqîne û rê li ber wan bigire ku li armancên xwe bixin û di bajêr de teqînên bi deng çêbûn, lê ti qurbanî nehatine ragihandin.

5 êrîşên li pey hev li ser berjewendiyên Amerîkî

Li gorî raporan, pênc êrîşên li pey hev li ser baregeha leşkerî ya Amerîkî li balafirgeha Hewlêrê û Konsulxaneya Giştî ya Amerîkî hatine kirin. Pergala parastina mûşekî ya Amerîkî hatiye çalakkirin û hemûêriş hatine şikandin. 

Nezelaliya çavkaniya arasteya êrîşan

Bi fermî nehatiye destnîşankirin ku her du dron ji ku hatine avêtin. Di roja bihurî de çend caran êrişî baregehên leşkerî yên Amerîkî li Hewlêrê hatiye kirin, lê ji ber çalakbûna pergala parastinê ti êrîşek çênebûye.

Ev êriş di demekê de tên ku şerê Amerîkî-Îsraîlî li dijî Îranê zêde bûye û Rêberê Olî yê Îranê Elî Xamineyî û bi dehan berpirsên din ên Tehranê hatine kuştin. Îranê gotiye ku ew ê baregehên leşkerî yên Amerîkî li her welatekî wekî axa Amerîkî bihesibîne. Di heman demê de, komên çekdar ên girêdayî Eniya Berxwedana Iraqê bi fermî ragihandine ku êrişên wan ên li ser Herêma Kurdistanê beşek ji piştgiriya wan a ji bo Komara Îslamî ya Îranê ne.