Di 30 rojên bihurî de, Herêma Kurdistanê rastî pêlek êrişên bi mûşek û dronan hat û bi dehan kes bûne qurbanî.

Hemû êrişên di nav mehekê de

Li gorî agahiyên KANAL8ê, di meha bihurî de 475 êriş li Herêma Kurdistanê hatine kirin. Êrîş bi şêweyê mûşek û dronan hatine kirin û her çar parêzgehên Herêma Kurdistanê girtine, lê êriş bêtir li ser Hewlêrê û Silêmaniyê bû.

Agahiyên CPT û hejmara qurbaniyên wan

Rêveberê Rêxistina Tîma Aştiyê (CPT) ya Amerîkayê Kameran Osman, got ku heta 27ê Adarê, bi tevahî 459 êriş li Herêma Kurdistanê hatine kirin.

Belavbûna êrişan wiha bû: 

• 361 êriş li ser Hewlêrê, 
• 90 êriş li ser Silêmaniyê, 
• 5 êriş li ser Duhokê 
• 3 êriş li ser Helebceyê bû. 

Di êrîşan de herî kêm 14 kes hatine kuştin û 90 kesên din jî birîndar bûne.

Êrişên di 24 saetên dawî de

Li gorî agahiyên KANAL8ê, tenê duh 16 êrişên nû hatine kirin.

Ji van êrîşan 10 li ser Hewlêrê, pênc li ser Duhokê û yek jî li ser Silêmaniyê bûn. Bi vî awayî hejmara giştî ya êrîşan digihêje 475 êrişan.