Li Bakurê Kurdistan û Tirkiyeyê meha bihurî bîst û şeş jin hatin kuştin, bi vî awayî ji destpêka salê heta niha 102 jin hatine kuştin.

Meha bihurî 26 jin hatin kuştin

Li gorî Platforma Em ê Kuştina Jinan Rawestanînin, di meha Nîsanê de li Bakurê Kurdistan û Tirkiyeyê 26 jin ji aliyê mêran ve hatine kuştin û 23 jin jî ji ber sedemên gumanbar mirine.

Amarên çar mehên bihurî

Ji destpêka vê salê ve 102 jin ji aliyê mêran ve hatine kuştin û 99 yên din jî ji ber sedemên gumanbar mirine.

Sedemên cûda yên kuştina jinan

Ji 26 jinên ku di meha Nîsanê de hatine kuştin, çar ji ber sedemên aborî, yek ji ber redkirina lihevhatinê û yek jî ji ber redkirina zarok jiberbirinê hatine kuştin.

Piraniya wan ji aliyê mêrên malbata xwe ve hatine kuştin

Li gorî raporê, piraniya jinan ji aliyê mêrên malbata xwe ve hatine kuştin. Ji 26 jinan, 10 ji aliyê mêrên xwe ve, du ji aliyê hevjînên xwe yên ji hev veqetiyayî, sê ji aliyê bav, kur û nasekî xwe ve, û şeş ji aliyê kujerên nenas ve hatine kuştin. Jin di malên xwe de hatine kuştin.

Amarên sala bihurî

Li gorî platformê, sala bihurî li Bakurê Kurdistan û Tirkiyeyê 294 jin hatine kuştin û 297 jin jî ji ber sedemên gumanbar mirine.