Ji salekê zêdetir ve, Balyozê Amerîkayê yê li Enqereyê û Nûnerê Taybet ê Donald Trump ji bo Iraq û Sûriyeyê, Tom Barrack, yek ji rojev û sernavên sereke yên siyasî li Tirkiyeyê bû.

Ji destpêka destbikarbûna xwe ve, Barrack got ku têkiliyên Amerîka-Tirkiyeyê baş in, lê divê ew bigihîjin astek pir baş.

Barrack, li ser bingeha nêzîkbûna di navbera Trump û Recep Tayyip Erdogan de, bi berdewamî piştgirîya siyaseta navxweyî û derveyî ya Tirkiyeyê kiriye.

Piştgiriya berdewam a Barack ji bo Erdogan bûye sedema dijberiya domdar a opozîsyona Tirkiyê, û serokê CHPyê yê ji kar dûrxistî Ozgur Ozel dibêje ku Barak jixwe li Tirkiyeyê nexwestî ye.

Barrackê ku gelek caran tekez li ser xurtkirina rola Enqereyê kiriye, piştgiriyê dide pêvajoya aştiyê û wê wekî derfetek dibîne.

Têbînîkirina berdewam a Barrack li ser rola hikûmetên navendî yên li herêmê, nemaze Enqereyê, ew kiriye piştgirekî sereke yê welêt, lê ew dibêje ku pirsgirêka Kurd di demên berê de ji ber nelihevhatinan çareser nebûye.