Gotûbêjên li ser pêşnûmeya qanûna çarçoveyî berdewam dikin. Tê zanîn ku ziman û hevokên di pêşnûmeya qanûnê de dê werin nîqaşkirin.

Diviyabû hûrgiliyên pêşnûmeya qanûna çarçoveyî hefteya borî zelal bibûna, lê niha, wekî berdevkê AK Partiyê Omer Çelik destnîşan kir, hûrgiliyên qanûnê têne nîqaşkirin, ku wî wekî “xebateke zirav” bi nav kir.

Pêşnûme dê heta hefteya bê pêşkêşî parlamentoyê bê kirin û tê payîn ku di Tebaxê de were rojevê. Li gel van hemûyan, tê tekez kirin ku heke danûstandin berdewam bikin, dibe ku bernameya pejirandina qanûnê biguhere.

Di civînan de li hev hat kirin ku têgehên wekî “bexşandin” û “poşmanî” divê di qanûnê de cih negirin û tê destnîşan kirin ku hin hevokên di pêşnûmeyê de hîn jî têne nîqaşkirin û tekez kirin ku divê hevok û têgeh ji zimanê berê azad bin ku zirarê dide pêvajoyê.

Li gorî raporan, her çend qanûn tenê ji bo PKKyê taybetî ye jî, lê di heman demê de civakên cûda yên di nav partiyê de jî vedihewîne û dikare ji qanûnê sûd werbigire.

Yek ji mijarên ku hatine nîqaşkirin berdana şertî ya girtiyan an jî kesên ku divê werin cezakirin e. Her çend medyaya alîgirê hikûmetê dibêje ku endamên PKKê yên vegeriyayî dê bi şert werin berdan, rapor hene ku mijar hatiye nîqaşkirin û pêvajo dê bi paşxistina pêvajoya dadwerî pêşve biçe.

Di vê navberê de, dozên li dijî kesên ku bi “endamtiya PKKyê û propagandaya ji bo partiyê” têne tawanbarkirin, heya ku heman tohmet li dijî wan neyên kirin, dê ji bo sê an pênc salan werin were bipaşxistin. Eger di nav wan salan de tawan nekir dê ev doz were girtin.

Di vê navberê de, şandeya AK Partiyê bi Serokê Meclîsê Numan Kurtulmuş re civiya da ku li ser pêşnûmeyê nîqaş bikin.

Cîgirê Serokê AK Partiyê Efkan Ala, Berdevkê Partiyê Omer ÇelÎk û Serokê Fraksiyona AK Partiyê Abdullah Guler saetek û nîvek bi Kurtulmuş re civiyan.

Cîgirê Serokwezîr Cevdet Yilmaz bi Serokê MITê Îbrahîm Kalın, rayedarên AK Partiyê û wezîrên peywendîdar re civînek li dar xist.

Her wiha Serokomarê Tirkiyeyê Recep Tayyîp Erdogan duh şev derbarê pêvajoyê axivî û got armanca wan ew e ku vê pêvajoyê bigihînin encam û ji bo qanûna çarçoveyê jî got, "Em dê di rojên pêş de yasayê pêşkêşî parlamentoyê bikin."