بەگوێرەی ئاژانسی هەواڵی فڕانس پرێس، دیدارێکی راستەوخۆ لەنێوان بەرپرسانی سووریا و ئیسرائیلیدا لە باکۆ دەکرێت و ئامادەیی سەربازیی ئیسرائیل لە سووریا تاوتوێدەکرێت.

سەرچاوەیەکی دیپلۆماسیی سووری بە ئاژانسە فەڕەنسییەکەی راگەیاندووە، لە پەراوێزی سەردانەکەی ئەحمەد شەرع، سەرۆکی راگوزەری سووریا بۆ ئازەربایجان، دیدارێکی راستەوخۆ لەنێوان بەرپرسێکی سووری و یەکێکی دیکەی ئیسرائیلیدا لە باکۆ دەکرێت.

سەرچاوەکە راشیگەیاندووە، ئەحمەد شەرع بەشداریی دیدارەکە ناکات و گفتوگۆکە لەسەر ئامادەیی سەربازیی ئیسرائیل لە سووریا دەبێت، بەئاماژەدان بەو ناوچانەی کە هێزەکانی ئیسرائیل لە باشووری سووریا لە دوای رووخانی دەسەڵاتی بەشار ئەسەدەوە، زیاتر لە حەوت مانگ لەمەوبەر کۆنتڕۆڵی کردوون.