هاوسەرۆکی فەرمانگەی پەیوەندییەکانی دەرەوەی بەڕێوەبەرایەتیی خۆسەر ڕایگەیاند، کۆکردنەوەی چەک لە دەستی دەوڵەت، ماف نادات بەوەی توندوتیژی و تۆقاندن بەرامبەر گەل و کۆمەڵگە ئەنجامبدرێت و پێشێلکاریی عورف و یاساکانی مافی مرۆڤ بکات.

تاوانەکانی دژی کورد دەگاتە ئاستی تاوانی جەنگ

ئیلهام ئەحمەد، هاوسەرۆکی فەرمانگەی پەیوەندییەکانی دەرەوەی بەڕێوەبەرایەتیی خۆسەر لە بڵاوکراوەیەکیدا لە تۆڕی ئێکس ڕایگەیاندووە، ئەو تاوان و پێشێلکارییانەى بەرامبەر بە کورد لە گەڕەکی ئەشرەفییە و شێخ مەقسوود دەکرێت، دەگاتە ئاستی تاوانی جەنگ، لەوانە: ڕفاندنی گەنجان و کوشتنیان، دزینی موڵک و ماڵی هاوڵاتییانی سڤیل و شێواندنی تەرمی قوربانییان لە شەڕڤان و هاوڵاتییانی سڤیل.

داوایەک لە ڕێکخراوە نێودەوڵەتییەکان

ئیلهام ئەحمەد داواشی لە ڕێکخراوە نێودەوڵەتییەکانی مافی مرۆڤ و لێبووردنی نێودەوڵەتی کرد، بەپەلە دەستوەردان بکەن بۆ بەدواداچوونی دۆسییەی ئەو کەسانەی ڕفیندراون و بێ سەروشوێنن، هەروەها ئەو ڕێکخراوانە لێکۆڵینەوە لە ڕووداوەکان بکەن.