دۆناڵد ترەمپ، سەرۆکی ئەمریکا ئامادەیی نیشانداوە بڕی 700 ملیار دۆلار بدات بۆ کڕینی دوورگەی گرینلاند. ئەم پرسە بووەتە یەکێک لە گەرمترین بابەتەکانی نێوان ئەمریکا و ئەوروپا. ئەو بڕە پارەیەی دیاری کراوە، 132 هێندە زیاترە بەراورد بە ژمارەی دانیشتووانی دوورگەکە کە تەنیا 53,000 کەسن.

سامانی ژێرخاک؛ لە نەوتەوە بۆ زێڕ

گرینلاند کە تەنیا 3,000 میل لە ئەمریکاوە دوورە، خاوەنی یەدەگێکی زەبەلاحی وزە و کانزایە. بەگوێرەی توێژینەوەکان داتاکان بەم شێوەیەن:

نەوت: مەزەندە دەکرێت 110 ملیار بەرمیل نەوتی یەدەگی تێدابێت.

زێڕ: لە پشتێنەی نانۆرتالیک لە باشووری دوورگەکە، زیاتر لە 53 تۆن زێڕی یەدەگ بوونی هەیە.

کانزا دەگمەنەکان: خاکەکەی دەوڵەمەندە بە 1.5 ملیۆن تۆن لە کانزا بەنرخ و دەگمەنەکان.

پێگەی جوگرافی و ئابووریی "دوورگەی ماسیگرەکان"

گرینلاند ناوچەیەکی نیمچە سەربەخۆی سەر بە دانیمارکە و بەهۆی سروشتە ساردەکەیەوە خەڵکەکەی زیاتر سەرقاڵی ڕاوکردنی ماسین. لەڕووی ئابوورییەوە دۆخەکەی بەم شێوەیەیە:

هەناردەکردن: ساڵانە بە بەهای 1 ملیار و 660 ملیۆن دۆلار کاڵا هەناردە دەکات.

هاوردەکردن: بە بەهای 1 ملیار و 11 ملیۆن دۆلار کاڵا هاوردە دەکات.

هاوبەشە بازرگانییەکان: بەشێوەیەکی سەرەکی مامەڵە لەگەڵ دانیمارک، چین و بەریتانیا دەکات.