بەگوێرەى داتاکانى ماڵپەڕى شەفافییەت، داهاتی پارێزگاى سلێمانی و هەڵەبجە و هەردوو ئیدارەی سەربەخۆى گەرمیان و ڕاپەڕین بە ڕیژەیەكی بەچاو دابەزیووە.

لە 27ى شوبات تاکو 3ـى ئازار

ماڵپه‌ڕی شه‌فافیه‌ت بڵاویكرده‌وه‌، داهاتی یه‌ك هه‌فته‌ی سلێمانی له‌ رۆژی 27ی شوبات تاوه‌كو 6ی ئازاری 2026 بریتی بووە لە حەوت ملیار و 643 ملیۆن دینار، لە كاتێكدا داهاتی هەفتەی پێشووتر زیاتر له‌  23 ملیار و شەش ملیۆن دینار بووە، بەم جۆرەش به‌راورد به‌ هه‌فته‌ی رابردووتر، به‌ڕێژه‌ی 66% دابەزیوە.

داهاتى یەک هەفتە

ماڵپه‌ڕی شه‌فافیه‌ت بۆ چاودێری و ڕێكخستنی داهاته‌ نانه‌وتییه‌كانی سلێمانی و هه‌ڵه‌بجه‌ و هه‌ردوو ئیداره‌ی گەرمیان و ڕاپه‌ڕین داهاتی یه‌ك هه‌فته‌ی ڕاگه‌یاندووه‌، پێکهاتووە لە حەوت ملیار و 643 ملیۆن و 417 هه‌زار و 867 دینار، به‌جۆرێك كه‌ 86% ی داهاته‌كه‌ به‌شێوه‌ی نه‌ختینه‌ی بووە.

داهاتى 28 وەزارەت و دەستە و 109 بەڕێوەبەرایەتى

ماڵپه‌ڕی شه‌فافیه‌ت داهاته‌كانی هه‌ر شه‌ش گه‌نجینه‌كه‌ی پارێزگای سلێمانی ئاشكرا ده‌كات كه‌ پێكدێن له‌ 28 وه‌زاره‌ت و ده‌سته‌ له‌گه‌ڵ 109 به‌ڕێوه‌به‌راتی گشتی و 516 به‌ڕێوه‌به‌رایه‌تی، هه‌روه‌ها 781 فه‌رمانگه‌ و چوار هۆبه‌ش له‌خۆ ده‌گرێت.