داهاتی گشتی عێراق بۆ 4 تڕیلیۆن دینار کەمبووەتەوە
مەزهەر محەممەد ساڵح، ڕاوێژکاری دارایی و ئابووری سەرۆکوەزیرانی پێشووی عێراق بە کەناڵ8ـی ڕاگەیاند، دارایی گشتی ڕووبەرووی فشار و ئاڵنگاریەکی سەختی کەمبوونەوەی نەختینە بووەتەوە، هۆکارە سەرەکییەکەشی دابەزینی داهاتی فرۆشتنی نەوت بووە بە هۆی جەنگی ئەمریکا و ئێرانەوە.
داهات هاتووەتە 4 تڕیلیۆن
مەزهەر محەممەد، دەشڵێت " کۆی داهاتی گشتی بۆ 4 تڕیلیۆن دیناری مانگانە دابەزیووە لە کاتێکدا حکومەت بۆ دابینکردنی خەرجی مووچە و خانەنشینان و چاودێری کۆمەڵایەتی مانگانە پێویستی بە 8 تڕیلیۆن دینار هەیە".
دواکەوتنى گەیشتنى دۆلار
ڕاوێژکارەکەی سوودانی بۆچونی وایە هۆکاری کومبوونەوەی نەختینە لە عێراق بەهۆی داخستنی گەرووی هوورمز و کەمبوونەوەی جموجۆڵی بازرگانییەوە بووە و هەروەها کێشەی لۆجستی دواکەوتنی گەیشتنی گوژمەی دۆلار کە پارەی فرۆشتنی نەوتە لە ئەمریکاوە هۆکارێکی دیکەی کەمبوونەوەی نەختینەییە.
قەرزى ناوخۆیی وەک چارەسەر
ڕاوێژکارەکەی سوودانی بۆ چارەسەری قەیرانی کەمبوونەوەی نەختینەی دەڵێت "حکومەت چەندین ڕێگای لەبەردەستدایە و دەتوانێت قەرزی ناوخۆی بکات یاخود دەستبۆ پارەی سپاردەی بانکە گەورەکانی وەکو ڕافیدەین و ڕەشید و تی بی ئای بەرێت، تەنانەت دەشتوانێت پەنا بۆ قەرزی دەرەکی ببات بۆ پڕکردنەوەی ئەم کورتهێنانەی و دڵنیایش دەدات لە گەرەنتیکردنی مووچە.
