بەگوێرەی ئەو زانیاریانەی پەرلەمانی ئەڵمانیا بڵاویکردووەتەوە، لە ساڵی 2025 نزیکەی 70 هەزار پەنابەر بە نایاسایی چووەتە وڵاتەکە، ئەمە لە کاتێکدایە کە ڕێکارەکانی چاودێری سنوور و ڕێگریی لە پەنابەری نایاسایی توندکراوەتەوە.

بەشی زۆریان لە ئۆکرانیاوە هاتوون

بەگوێرەی ئەو داتایانەی  بڵاوکراوەتەوە، ژمارەی ئەو کۆچبەرانەی بەشێوەی یاسایی و نایاسایی چوونەتە ئەڵمانیا لە ساڵی 2025 تاوەکو ئێستا گەشتووەتە زیاتر لە 96 هەزار، بەشی زۆرییان لە ئۆکرانیاوە هاتوون، بەدوایدا ئەفغان و سووری و تورکەکان دێن.

لەو ژمارەیە نزیکەی 70 هەزارییان بە نایاسایی چوونەتە وڵاتەکە.

لە ئەفریقاوە هاوڵاتیانی جەزائیر لە پلەی یەکەمدان

لەبارەی ئەو پەنابەرانەی لە باکووری ئەفریقاوە هاتوون بۆ ئەڵمانیا، جەزائیر لە پلەی یەکەمدایە و بەدوایدا مەغریبی و تونسییەکان دێن.

ساڵی ڕابردوو زیاتر لە 22  هەزار کەس نێردوونەتەوە وڵاتەکانیان

هەر لە ساڵی 2025، دەسەڵاتدارانی ئەڵمانیا 22 هەزار و 787 پەنابەرییان ناردووەتەوە وڵاتەکانییان، 134 پەنابەریش بەهۆى دۆخی تەندرووستی لە ئەڵمانیا ماونەتەوە.

بڵاوکردنەوەی ئەم ژمارانە لە کاتێکدایە ناکۆکى زۆر لە ئەڵمانیا لەسەر پرسی پەنابەری و کۆچ درووستبووە، پارتی ڕاستڕەوەکان داوادەکەن سیاسەتی پەنابەری و کۆچ لە وڵاتەکەیان زیاتر توند بکرێتەوە.