
گۆڕانی کەشوهەوا کاریگەریی گەورەی لەسەر سەهۆڵبەندانەکانی گرینلاند دروستکردووە و بەراورد بە 25 ساڵ لەمەوبەر، خێراتر سەهۆڵەکانی دوورگەکە دەتوێنەوە.
توێژینەوەیەکی نوێ کە لە گۆڤاری زانستیی نەیچەر بڵاوکراوەتەوە، پەیوەندیی ڕاستەوخۆی نێوان گۆڕانی کەشوهەوا و توانەوەی سەهۆڵبەندانەکان لە گرینلاند ئاشکرا دەکات.
توێژینەوەکە ئاشکرایکردووە، توانەوەی شاخە سەهۆڵینەکان لە ساڵی 2000ـەوە، چوار هێندە خێراتر بووە، هاوکات لەیەکجیابوونەوەی شاخە سەهۆڵینەکانیش زیادیکردووە.
توێژینەوە نوێیەکە دەریدەخات کە دەرەنجامەکانی توانەوەی سەهۆڵبەندانەکان، تەنیا لە بەرزبوونەوەی ئاستی دەریادا کۆتایی نایەت، بەڵکو ڕاستەوخۆ کاریگەرییان لەسەر ئیکۆسیستمی قووڵایی دەریاکان دەبێت کە تەنانەت دوورن لە سەهۆڵبەندانەکانەوە.
پڕۆسەی توانەوەی سەهۆڵەکان، مەترسیی بەرکەوتنی کەشتییەکان بە سەهۆڵبەندانەکان زیاد دەکات
ئەگەر هەموو سەهۆڵەکانی گرینلاند بتوێنەوە، ئاستی ئاوی دەریاکانی جیهان بە نزیکەیی حەوت مەتر بەرز دەبنەوە، کە دەبێتەهۆی نوقمکردنی زۆرێک لەو وڵاتانەی سنوورەکانیان دوورگەیە و لافاوی توندیش لە جیهاندا دروستدەکات، بەتایبەتی ئەو شارانەی دەکەونە کەنار دەریا، هەروەها ڕێڕەوی زەریاکانیش تێکدەدات و شێوازی کەشوهەوای جیهان دەگۆڕێت.
.jpg)
