هەولێر و بەغداد بۆ یەکخستنی سیستمی گومرگی هەنگاوی نوێ دەنێن و هەردوولا لەسەر چوونە ناو سیستمێکی جیهانیی هاوبەش گەیشتوونەتە لێکتێگەیشتن.

دۆخی ڕێککەوتنی نێوان هەولێر و بەغداد

تاوەکو ئێستا ڕێککەوتنی کۆتایی و فەرمی لەبارەى جێبەجێکردنى سیستمى ئەسیکۆدا لە نێوان هەرێمى کوردستان و حکومەتی فیدراڵی نەکراوە، بەڵام گفتوگۆکان گەیشتوونەتە قۆناغێکی پێشکەوتوو.

واژۆکردنی کۆنووسی هاوبەش

شاندى هونەریی هەرێمى کوردستان و بەغداد لەسەر وردەکارییەکانی سیستمەکە کۆبووەنەتەوە و کۆنووسێکیان لەبارەى سیستمى ئەسیکۆدا واژۆکردووە، ئەمەش وەک بنەمایەک بۆ ڕێککەوتنی داهاتوو.

کۆکبوون لەسەر جێبەجێکردنی سیستمەکە

هەردوولا گەیشتوونەتە ئەو بڕوایەی کە هەرێمى کوردستان دەتوانێت بچێتە ناو سیستمى ئەسیکۆدا، لەسەر ئەم خاڵە کۆکن و هیچ لایەکیان ناڕەزایەتییان لەسەر بەشداریی هەرێم لەو سیستمەدا نییە.

قۆناغی کۆتایی و واژۆکردنی بڕیارەکان

بۆ ئەوەی ڕێککەوتنەکە بچێتە بواری جێبەجێکردنەوە، پێویستە ئەنجوومەنى وزاریی هەرێمى کوردستان و عێراق بە فەرمی ڕێککەوتنى کۆتایی لەسەر سیستمى ئەسیکۆدا واژۆ بکەن.