سەرۆکی ئەمریکا ڕایگەیاند، لەگەڵ بەرپرسانی ئێران قسەی کردووە و هۆشداری پێداون لە داخستنی گەرووی هوورمز، دەشڵێت، گەرووەکە دابخەن دانوستانکارەکانیان ناتوانن بگەڕێنەوە.

هەڕەشەی نوێی ترەمپ لە ئێران

ترەمپ بە فۆکس نیوزی گوتووە، ئەگەر لەگەڵ ئێران نەگەنە ڕێککەوتن، ئەوا باجی تێپەڕبوون لە گەرووی هوورمز وەردەگرن.

کۆنترۆڵکردنی گەرووی هورمز

دەشڵێت، ئەگەر ئێرانییەکان گەرووەکە دابخەن، ئەوا بە تەواوەتی لەناویان دەبەن و ناچار دەبن کۆنتڕۆڵی گەرووی هوورمز بکەن.

مەترسی وەرگرتنی باجی تێپەڕبوون

ترەمپ باسلەوە دەکات، پێدەچێت ئەمریکا ببێتە پاسەوانی گەرووى هوورمز، ئەگەر ناچار بن بەڕێژەی 20% نەوت وەک باجی تێپەڕبوون وەربگریت".

مەترسی هەرەسی دانوستانەکان

سەرۆکی ئەمریکا هەڕەشە لە ئێران دەکات و دەڵێت، ئەگەر گەرووەکە دابخەن، ئەوا دانوستانکارەکانیان ناتوانن بگەڕێنەوە.

ڕاگرتنی دەستبەجێی پشتیوانی بۆ بریکارەکان

ترەمپ داوای لە ئێران دەکات، دەستبەجێ پشتیوانییەکانی بۆ بریکارەکانی ڕابگرێت، دەشڵێت، ئەگەر دەستبەجێ بریکارەکانی لە لوبنان ڕانەگرێت، بە تووندی هێرشەکانیان دەستپیدەکەنەوە.

ئەم قسانەی ترەمپ لەکاتێکدایە، دانوستانی شاندی ئێران و ئەمریکا لە سویسرا بە نێوەندگیریی قەتەر و پاکستان بەشێوەیەکی ڕاستەوخۆ بەڕێوەدەچێت.