زیاتر لە 50 پەرلەمانتار و بەرپرسی باڵا لە چوارچێوەی گەورەترین هەڵمەتی دژە گەندەڵیدا دەستگیرکراون، کە تێیدا پارێزبەندی یاسایی لەسەر 12 پەرلەمانتار هەڵگیراوە.

دەستپێکی ئۆپراسیۆنی بەرەبەیان

بەرەبەیانی ڕۆژی 28ـی حوزەیرانی 2026، بە فەرمانی ڕاستەوخۆی عەلی زەیدی، سەرۆکوەزیرانی عێراق، هەڵمەتێکی فراوان بۆ دەستگیرکردنی تۆمەتبارانی گەندەڵی دەستیپێکرد. ئەم ئۆپراسیۆنە کە بە "هەڵمەتی بەرەبەیان" ناسراوە، پشتی بە دانپێدانانە وردەکانی عەدنان جومەیلی، بریکاری پێشووی وەزارەتی نەوت بۆ کاروباری پاڵاوتن بەستووە کە پێشتر دەستگیرکرابوو.

پەرلەمانتارە دەستگیرکراوەکانی ئەم خولە و پێشوو

لە چوارچێوەی ئەم هەڵمەتەدا، پارێزبەندی لەسەر 12 پەرلەمانتاری ئەم خولەی ئەنجوومەنی نوێنەران هەڵگیرا و دەستبەجێ دەستگیرکران. ناوی دیارترین پەرلەمانتارەکان بریتین لە:

• موسەننا سامەڕایی (سەرۆکی هاوپەیمانیی عەزم)

• عالیە نسەیف

• محەممەد کەربولی

• زیاد جەنابی

• بەها نووری

• هیند عەباسی

• مزڕ کڕەوی

• حەسەن خەفاجی

• بوشرا قەیسی

• محەممەد فەرمان جبووری

هەروەها پەرلەمانتارانی پێشوو "محەممەد سەیهود" و "عەبدولڕەحمان لوەیزی" لەنێو دەستگیرکراوەکاندان.

بەرپرسانی باڵای وەزارەتەکان و ڕاوێژکاران

هەڵمەتەکە چەندین کەسایەتی کاریگەری لە نێو کایەی جێبەجێکردن و وەزارەتەکان گرتەوە، لەوانە:

• عەدنان جومەیلی (بریکاری پێشووی وەزارەتی نەوت بۆ کاروباری پاڵاوتن)

• عەلی مەعارج (بریکاری وەزارەتی نەوت بۆ کاروباری دابەشکردن)

• ئیبراهیم سومەیدەعی (ڕاوێژکاری سوودانی)

• محەممەد مەیاحی (پارێزگاری پێشووی واست)

• عەلی حەمید زەیدی (بەڕێوەبەری کۆمپانیای بەرهەمهێنانی کارەبا لە فوراتی ناوەڕاست)

پلەدارانی سەربازی و ئەندازیاران

جگە لە کەسایەتییە سیاسییەکان، هەڵمەتەکە دامەزراوە ئەمنییەکانیشی گرتووەتەوە. تاوەکو ئێستا 3 ئەفسەری باڵای وەزارەتی بەرگری و ژمارەیەک ئەندازیاری سەربازی بە تۆمەتی تێوەگلان لە دۆسیەکانی گەندەڵی و بەهەدەردانی سامانی گشتی دەستگیرکراون و لێکۆڵینەوە لەگەڵیاندا بەردەوامە.