نەتەوەیەکگرتووەکان: لە تەممووزدا کوژراوانی ئۆکرانیا گەیشتە بەرزترین ئاست
پووختەی هەواڵەکە:
- لە مانگی تەممووزدا 437 هاووڵاتی مەدەنی لە ئۆکرانیا کوژراون و 2,610 کەس برینداربوون.
- ژمارەی کوژراوان بەراورد بە هەمان مانگی ساڵی 2025 بە ڕێژەی 70% زیادی کردووە.
- ڕووسیا ڕایگەیاندووە، هێرشەکانی ئۆکرانیا بووەتە هۆی کوژرانی 79 هاووڵاتی وڵاتەکەی.
- نەتەوەیەکگرتووەکان تاوەکو ئێستا کوژرانی 16,874 هاووڵاتی لە ئۆکرانیا تۆمارکردووە.
بە گوێرەی ئاماری دەزگای چاودێری مرۆیی نەتەوەيەکگرتووەکان، ئاماژە بەوە دەکەن، شەڕی نێوان ڕووسیا و ئۆکرانیا گەیشتووەتە قۆناغێکی خوێناوی و تەنها لە مانگی تەممووزدا ژمارەی کوژراوانی سڤیل لە ئۆکرانیا بەرزترین ئاستی لە دوای دەستپێکی شەڕەکەوە تۆمارکردووە. ئەم هەڵکشانە لە کاتێکدایە کە ڕووسیا هێرشە مووشەکییەکانی بۆ سەر کیێڤ چڕکردووەتەوە و ئۆکرانیاش هێرشەکانی بۆ ناو خاکی ڕووسیا زیاد کردووە.
لایەنی ئۆکرانی و ئامارەکانی نەتەوەیەکگرتووەکان:
- لە مانگی تەممووزدا 437 هاووڵاتی مەدەنی کوژراون و 2,610 کەسی دیکەش برینداربوون.
- ڕێژەی کوژراوان لە تەممووزدا بەراورد بە مانگەکانی پێشوو 30% زیادی کردووە.
- ئەم ئامارە بەرزترین ڕێژەی کوژراوانی سڤیلە کە لە دوای مانگی ئایاری 2022ەوە تۆمارکرابێت.
- کۆی گشتی کوژراوانی سڤیل لە ئۆکرانیا گەیشتووەتە 16,874 کەس، بەڵام پێشبینی دەکرێت ژمارە ڕاستەقینەکە زۆر لەوە زیاتر بێت.
لایەنی ڕووسی و زیانەکان:
لە لایەکی دیکەوە، بەرپرسانی مۆسکۆ ڕایانگەیاندووە، لە مانگی تەممووزدا هێرشەکانی ئۆکرانیا بۆ سەر خاکی وڵاتەکەیان زیادی کردووە و بەو هۆیەوە 79 هاووڵاتی مەدەنی ڕووسیا کوژراون. نەتەوەیەکگرتووەکان ئاماژەی بەوە کردووە، بەهۆی نەبوونی دەستیان بە زانیارییەکان لە ناو خاکی ڕووسیا، ناتوانن ئەو ئامارانەی مۆسکۆ پشتڕاست بکەنەوە. تاوەکو ئێستا هیچ کام لەو دوو وڵاتە بە فەرمی ئاماری وردی کوژراوە سەربازییەکانیان بڵاونەکردووەتەوە، بەڵام پێشبینییە نافەرمییەکان باس لە زیانی گیانیی زۆر گەورە دەکەن.
.jpg)
