قالیباف گەیشتە بەغداد
پووختەی هەواڵەکە:
- محەممەد باقر قالیباف، سەرۆکی پەرلەمانی ئێران بە سەردانێکی فەرمی گەیشتە بەغداد.
- قالیباف لەگەڵ سەرۆکایەتییەکانی پەرلەمان، کۆمار و ئەنجوومەنی وەزیرانی عێراق کۆدەبێتەوە.
- پەیوەندییە دووقۆڵییەکانی نێوان تاران و بەغداد و پێشهاتەکان تاوتوێ دەکرێن.
- کۆبوونەوەکان لە کاتژمێر 9:30 خولەکی بەیانی لە هۆڵی دەستووریی پەرلەمان دەستیان پێکردووە.
زانیارییەک گەیشتووە بە کەناڵ8 ئاشکرای دەکات محەممەد باقر قالیباف، سەرۆکی پەرلەمانی ئێران بەیانی ئەمڕۆ گەیشتووەتە بەغداد و یەکەم وێستگەی کۆبوونەوەکانی لە پەرلەمانی عێراق دەستپێکردووە بۆ تاوتوێکردنی دۆسیە سیاسی و پەرلەمانییەکانی نێوان هەردوو وڵات.
سەرۆکی پەرلەمانی ئێران:
- ئاژانسی هەواڵی "ئیسنا"ی ئێرانی ڕایگەیاندووە کە سەردانەکە فەرمییە و بۆ گفتوگۆکردنە لەسەر بەرژەوەندییە هاوبەشەکان.
- قالیباف وەک نوێنەری باڵای پەرلەمانی ئێران کار بۆ پتەوکردنی پەیوەندییە دیپلۆماسییەکان دەکات.
- ئامانجی سەردانەکە تاوتوێکردنی ئاستی هەماهەنگییەکانی نێوان تاران و بەغدادە لە بەرامبەر گۆڕانکارییەکانی ناوچەکەدا.
پەیامی قالیباف بۆ ئەم سەردانە
پێش بە ڕێکەوتنی بۆ بەغداد قالیباف، لە هەژماری خۆی لە تۆڕی کۆمەڵایەتیی ئێکس نووسیوی،"پەیوەندیی نێوان دوو نەتەوەی ئێران و عێراق پەیوەندییەکی مێژوویی و بەردەوامە".
قالیباف دەشڵێت، دراوسێیەتیی ئێران لەگەڵ عێراق لەسەر بنەمای برایەتی لە سەختترین ڕۆژەکان و بەرەنگاربوونەوەی دەستوەردانی دەرەکی و باوەڕبوون بە چارەنووسی هاوبەشی دوو وڵات دامەزراوە.
سەرۆکی پەرلەمانی ئێران نووسیشیەتی، لەم سەفەرەدا هەنگاوی کردەیی و درێژخایەن دەنێنن، بۆ بەهێزکردنی ئاسایشی ناوخۆیی و ئاسایشی هاوبەشی نێوان هەردوو وڵات و خۆشگوزەرانی هەردوو نەتەوەی ئێران و عێراق.
پەرلەمان و حکومەتی عێراق:
هەیبەت حەلبووسی، سەرۆکی ئەنجوومەنی نوێنەرانی عێراق بە یاوەریی سەرۆک فراکسیۆنەکان لە هۆڵی دەستووری پێشوازییان لە قالیباف دەکات. دوای کۆبوونەوەی پەرلەمان، بڕیارە شاندە ئێرانییەکە لەگەڵ سەرۆککۆمار، سەرۆکوەزیرانی عێراق و سەرکردە سیاسییەکانی دیکەی وڵات کۆببێتەوە بۆ یەکلاکردنەوەی چەند دۆسیەیەکی هاوبەش.
زانیاری زیاتر بۆ تۆ
قالیباف: جەنگی ئێستا جەنگی ئیرادەیە و دەبێت ڕێگری لە جەنگی درێژخایەن بکەین
