لە شاری جوانڕۆ لە ڕێگەی کەمپینەوە هاوکاری خوێندکارانی کەمدەرامەت دەکرێت
سامیا حەسەن 32 خولەک پێش ئێستا
پووختەى ڕاپۆرتەکە
- لە شاری جوانڕۆ لە ڕێگای کەمپینەوە هاوکاری خوێندکارانی کەمدەرامەت دەکرێت.
- لە کەمپینەکە کتێب و پارە بۆ خوێندکارانی کەم دەرامەت کۆدەکرێتەوە.
- ئەندامێکى کەمپینەکە: ساڵی پار پێنج تۆن کتێب کۆکرایەوە و 170 خوێندکار هاوکاری کران.
- کەمپینەکە بۆ ماوەی هەفتەیەک بەردەوام دەبێت.
کچ و کوڕانی شاری جوانڕۆی پارێزگەی کرماشانی ڕۆژهەڵاتی کوردستانن، کەمپەینێکیان بۆ هاوکارى خوێندکارانى کەمدەرامەت دەستپێکردووە و زۆرێک لە گەنجانى جوانڕۆ بەشدارن تیایدا.
ئەو گەنجانەى بەشدارن لە کەمپەینەکەدا
- هەموویان خوێندکاری زانکۆ و پەیمانگەن.
- کەمپینەکە بەناوی (تیشکی زانست) داناوە.
- کتێب و کەلوپەلە بەکارهێنراوەکانی خوێندن کۆدەکەنەوە و جارێکی دیکە دەیگەیەننە دەست خوێندکاران.
- ئەوانەشی بە کەڵکی بەکارهێنانەوە نایەن، کاری ڕیسایکلینی بۆ دەکەن و بە داهاتەکەی پێداویستیی قوتابخانە بۆ خوێندکارانی کەم دەرامەت دابین دەکەن.
- لە کەمپینەکە، دروشمەکانی بەڵێ بۆ پاراستنی ژینگە بە بەردەوامی بە گوێی خەڵک و هاوپیشە و هاوتەمەنەکانی خۆیاندا دەدەن.
- هاونیشتمانییان بە گەرم و گوڕییەوە بە دەم کەمپینەکەوە دێن و جگە لە دەستخۆشی هیواخوازیشن هاوکارییەکانیان بە زووی بگاتە دەست خوێندکارانی شایستە.
کەمپینەکە 26 ئەم مانگە دەستیپێکردووە، بۆ ماوەی هەفتەیەک بەردەوام دەبێت، ساڵی پار پێنج تۆن کتێب لە کەمپینەکە کۆکراوەتەوە و نزیکەی 170 خوێندکاریش هاوکاری کراون.
سامیا حەسەن
32 خولەک پێش ئێستا