زانکۆی سلێمانی گرانتی نێودەوڵەتیی ئەرشیفی دەنگی بەدەستهێنا
حەسەن فەلاح 2 کاتژمێر پێش ئێستا
- گرانتەکە پشتیوانیی داراییە بۆ پاراستنی ئەرشیفە دەنگییەکان
- دامەزراوەی ئارکادیا پاڵپشتیی دەکات
- پڕۆژەکە ماوەی 18 مانگ بەردەوام دەبێت
زانکۆی سلێمانی، ئەم پشتیوانییە داراییەی لە چوارچێوەی بەرنامەی ئەرشیفە مەترسیدارەکانی کتێبخانەی بەریتانیا EAP بۆ دیجیتایزکردن و پاراستنی ئەرشیفی دەنگی بەدەستهێناوە.
ئامانجی سەرەکی، دیجیتایزکردن و پاراستنی کۆکراوە دەنگییە مێژووییەکەی شوان ئۆسکارە لە سلێمانی، ئەم کۆکراوەیە بەشێکی گرنگ لە ژیانی ڕۆژانە، موزیک و میراتی کولتووریی کوردستان و عێراق تۆماردەکات و فرەچەشنیی موزیکیی کۆمەڵگە جیاوازەکانی ناوچەکە پیشاندەدات، بەشێکی گرنگی ئەم تۆمارانە لەسەر کەرەستەی هەستیار و کۆن، وەک تەیپی ڕیل (بەکرە) و دیسکی شێلاک (قەوان)، پارێزراون و لەبەر دۆخی هەڵگرتنیان لە مەترسیی خراپبوون و لەناوچووندان.
م. ڕازان عومەر – لێپرسراوی ئۆفیسی گرانت لە زانکۆی سلێمانی
پڕۆژەکە:
- بە ناونیشانی سازدانی ئەرشیف: تۆمارە دەنگییەکانی کۆکراوەی ئۆسکار، کوردستان و عێراق، 1900 – 1950 ئەنجامدەدرێت
- د. هەردی کوردە توێژەری سەرەکییە
- دامەزراوەی ئەرشیفخانە وەکو هاوبەشی ئەرشیفیی ناوخۆیی بەشدارە
- موزیک و میراتی کولتووریی ناوچەکە دەپارێزێت
- زەمینەساز دەبێت بۆ دروستکردنی بنکەی سەربەخۆی دیجیتایزکردنی ئەرشیفی دەنگی
- ڕاهێنان بە گەنجان دەکرێت بۆ پاراستن و بەڕێوەبردنی ئەرشیفی دەنگی
حەسەن فەلاح
2 کاتژمێر پێش ئێستا