کونسوڵى گشتیى بەریتانیا دەچێتە سەهۆڵەکەى سلێمانى
شۆڕش محەمەد 1 کاتژمێر پێش ئێستا
پووختەی هەواڵەکە:
- کونسوڵی بەریتانیا لە سەهۆڵەکە لەفەى جگەر و ماستاو دەخوات
- تام و چێژ وەرگرتن لە خواردنە شەقامییە بەناوبانگەکانی هەرێمی کوردستان.
کونسوڵی نوێی بەریتانیا لە هەرێمی کوردستان، دەچێتە شەقامی سالمی سلێمانی کە بە سەهۆڵەکە ناسراوە و خواردنە بەناوبانگەکانی سەر شەقام تاقیدەکاتەوە.
ڕاگەیێنراوی کونسوڵخانەی گشتیی بەریتانیا
کونسوڵخانەی گشتیی بەریتانیا لە پۆستێکدا لە فەیسبووک چەند وێنەیەکى کونسوڵى گشتیی بەریتانیاى بڵاوکردووەتەوە و ئاماژە بەوە دەکات، لە یەکەم سەردانیدا بۆ سلێمانی، هۆڵی ڤێری، کونسوڵی گشتیمان برد بۆ سەهۆڵەکە بۆ ئەوەی تام و چێژ لە خواردنە شەقامییە بەناوبانگەکانی هەرێمی کوردستان وەربگرێت.
ئەو خواردن و خواردنەوانەی کونسوڵی بەریتانیا لە شەقامی سەهۆڵەکە تاقیکردوونەتەوە
کونسوڵگەری گشتیی بەریتانیا لە هەولێر ئاماژە بەوە دەکات، کونسوڵى گشتیی بەریتانیا لە شەقامى سەهۆڵەکەى سلێمانى لەفەی جگەر و ماستاو و شەربەتی هەنار و پاقلەی سوورکراوە و فالوودەى خواردووە.
ڕۆژى 3ـى ئابى 2026 کونسوڵگەرى گشتیی بەریتانیا لە هەولێر کونسوڵى گۆڕى و هۆڵى ڤێرى بووە کونسوڵى گشتیی نوێى بەریتانیا لە هەولێر.
زانیاری زیاتر بۆ تۆ
شۆڕش محەمەد
1 کاتژمێر پێش ئێستا