وەزارەتیی تەندروستیی حکومەتی هەرێمی کوردستان، کوردستان سەبارەت بە گیانلەدەستدانی چارەخوازێک، دەڵێت:

• دوابەدوای گیانلەدەستدانی چارەخوازێکی خانمی تەمەن 21 ساڵ لە یەکێک لە نەخۆشخانەکانی کەرتی  تایبەت لە پارێزگای هەولێر، دەستبەجێ لەلایەن تیمەکانی پشکنین و بەدواداچوون سەردان و بەدواداچوونی مەیدانی کرا
• پزیشکی نەشتەرگەر لە ئەو نەخۆشخانەیە هیچ ڕێگەپێدانی کارکردنی نییە
• میلاکی ئەو پزیشکە بۆ کارکردن لە لیستی میلاکی ڕێگەپێدراوانی وەزارەتی تەندروستی نییە
• ئەنجامدانی نەشتەرگەریی فریاکەوتن بەبێ بوونی فریاکەوتن و بەبێ بوونی هۆڵی چاودێریی چڕ
• لەبەر نەبوونی مەرجی سەلامەتیی چارەخواز و گونجاونەبوونی ئەم نەخۆشخانەیە و پابەندنەبوون بە ڕێنماییەکانی وەزارەتی تەندروستی، لەسەرەتای مانگی شەشی ئەمساڵەوە بۆ ماوەی دوو مانگە بەفەرمی هۆڵەکانی نەشتەرگەریی ئەو نەخۆشخانەیە  لەلایەن وەزارەتی تەندوستی داخراوە و بەبڕیار کارکردن تێدا ڕاگیراوە
• پزیشکی نەشتەرگەری و پزیشکی سڕکردن و کارگێڕیی نەخۆشخانەکە بەڕێگای دیکەی نافەرمی و بەشێوازی نایاسایی چوونەتە ژوورەوە و کاریان کردووە
• ئەنجامدەرانی نەشتەرگەرییەکە و کارگێڕیی نەخۆشخانەکە سەرپێچیی بڕیاری وەزارەتی تەندروستییان کردووە و پابەند نەبوون، دەرەنجام چارەخوازەکە گیانی لەدەست داوە
• وەزارەتی تەندروستیی حکومەتی هەرێمی کوردستان پاڵپشت بە یاسای ژمارە 4 ی ساڵی 2020 تایبەت بە مافی چارەخواز و پەیڕەوی ژمارە16 ساڵی 2022 تایبەت بە لێکۆڵینەوە، ئەو نەخۆشخانەیە دادەخرێت و کارگێڕیی نەخۆشخانەکە و ئەنجامدەرانی نەشتەرگەرییەکە، بۆ وەرگرتنی ڕێکاری یاسایی ڕەوانەی دادگا دەکات
• پێویستە تەواوی نەخۆشخانەکانی کەرتی تایبەت، سەنتەر و کۆمەڵگە پزیشکییەکان پابەندبن بە کارکردن بەپێی بوونی مۆڵەتی بەرکار،  پزیشکان، کارمەندان و فەرمانبەرانیش پێویستە بەفەرمی ناویان لە لیستی ڕێگەپێدراوی وەزارەتی تەندروستی هەبێت بۆ کارکردن لەو شوێنەی کاری تێدا دەکەن، بەپێچەوانەوە سەرپێچی یاسیاییە و بەرپرسیار دەبن بەرامبەر ڕێکارەکانی دادگا