پووختەى هەواڵەکە

• یەکێتیی ئەورووپا بە فەرمی بەشداری لە هەڵمەتە ئابوورییەکەی ئەمریکا دژ بە ئێران دەکات.
• وەزیری گەنجینەی ئەمریکا: ناوەستین تاوەکو دوایین هێڵی ژیانی دارایی ئێران دەبڕین.

---

سکۆت بیسێنت، وەزیری گەنجینەی ویلایەتە یەکگرتووەکانى ئەمریکا، لە پۆستیكدا لە تۆڕی ئێکس، ستایشی یەکێتیی ئەورووپای بۆ پشتگیریکردنی هەوڵەکانی ئەمریکا بۆ کەمکردنەوەی پەیوەندییەکانی تاران بە سیستمی دارایی جیهانەوە کرد.

---

پەیامەکەی بێسێنت

• واشنتن لەگەڵ هاوپەیمانەکانیدا کار بۆ ڕێگریکردن لە بەکارهێنانی سیستمی دارایی جیهان بۆ بەهێزکردنی بەرنامە ئەتۆمی و سەربازییەکانی ئێران دەکات.
• بێسێنت: ناوەستن تاوەکو دوایین هێڵی ژیانی دارایی ئێران دەبڕن.

ئەم لێدوانانە دوای ئەوە هات، برۆکسل لە ڕاگەیێنراوێکدا، لە 31ـی ئابى ڕابردوو، پشتگیریی خۆی بۆ هەوڵەکانی هێورکردنەوەی دۆخەکە و دەستپێکردنەوەی گفتوگۆکانی ئاشتی دەربڕی، لەڕێگەی زیادکردنی فشارە ئابوورییەکان بۆسەر ئێران.

ئیدارەی ئەمریکا لە کۆتایی مانگی ئابدا، کۆمەڵێک ڕێکاری نوێی ڕاگەیاند، کە جەخت لەسەر دیاریکردنی سنوورێک بۆ دەستگەیشتنی ئێران دەکاتەوە بە دراوی دیجیتاڵی، تەکنەلۆجیای پێشکەوتوو، یەدەگی زێڕ و کەرتەکانی فڕۆکەوانی و کەشتیوانی و وزە.