پووختەی هەواڵەکە:

• عەلی زەیدی سەرۆکوەزیرانی عێراق ڕایگەیاند لەگەڵ فەڕەنسا و ئەڵمانیا دەرگای وەبەرهێنان دەکەنەوە.

• عێراق لەگەڵ پاریس لە بواری وەبەرهێنان و لەگەڵ بەرلین لە کەرتی پیشەسازی و تەکنەلۆجیا هاوبەشی دەکات.

• سەرۆکوەزیران جەخت لە گێڕانەوەی پێگەی بەهێزی عێراق لەسەر بنەمای هاوبەشیی دادپەروەرانە دەکاتەوە.

• بەغداد هەوڵەکانی چڕکردووەتەوە تاوەکو وڵاتەکە لە گۆڕەپانی نێودەوڵەتیدا ببێتە هێزێکی کارای ئابووری.

---

عەلی زەیدی، سەرۆکوەزیرانی عێراق نەخشەڕێگەی نوێی دیپلۆماسی و ئابووریی وڵاتەکەی بەرەو ئەوروپا ئاشکرا دەکات و پلانەکانی بۆ هاوبەشی لەگەڵ فەڕەنسا و ئەڵمانیا دەخاتەڕوو. زەیدی جەخت دەکاتەوە کە بەغداد لە ڕێگەی وەبەرهێنان و ڕاکێشانی تەکنەلۆجیای پێشکەوتوو پێگەی خۆی وەک هێزێکی کاریگەری ئابووری لە کۆمەڵگەی نێودەوڵەتیدا دەسەلمێنێت.

---

پەیامی ڤیدیۆیی عەلی زەیدی (ئاستی هاوبەشی لەگەڵ پاریس و بەرلین)

• لەگەڵ پاریس دەرگای نوێ بۆ هەماهەنگیی سیاسی، وەبەرهێنان و گەشەپێدانی ئابووری دەکرێتەوە.

• لەگەڵ بەرلین کار دەکرێت بۆ دروستکردنی هاوبەشی لەسەر بنەمای زانیاری، تەکنەلۆجیا و کەرتی پیشەسازی تا تواناکانی عێراق پتەوتر بکرێن.

• عێراق دەبێت ڕۆڵ و پێگەی شایستەی خۆی بەدەستبهێنێتەوە و پەیوەندییە دەرەکییەکانی لەسەر بنەمای بەرژەوەندیی هاوبەش و هاوبەشییەکی دادپەروەرانە دابڕێژێتەوە.

دیدگای ستراتیژیی عێراق بۆ گۆڕانکاریی ئابووری

سەرۆکوەزیرانی عێراق لە پەیامەکەیدا دووپاتیدەکاتەوە کە وڵاتەکەی لە قۆناغی ئێستادا بە متمانەیەکی تەواوەوە لە جیهان دەڕوانێت و کار دەکات بۆ بونیادنانی هاوپەیمانێتیی ڕاستەقینەی نێودەوڵەتی؛ ئامانجی بەغداد لەم کرانەوەیە بەڕووی پایتەختە گەورەکانی ئەوروپادا، گۆڕینی وڵاتە بۆ هێزێکی گەورەی ئابووری و دابینکردنی سەقامگیریی درێژخایەن لە ڕێگەی فرەچەشنکردنی سەرچاوەکانی داهات و گەشەپێدانەوە.

زانیاریی زیاتر بۆ تۆ

عەلی زەیدی یەکەم گەشتی فەرمی بۆ فەڕەنسا و ئەڵمانیا ئەنجامدەدات

زەیدی داواکارییەکی ئێرانی بۆ لێکۆڵینەوە لە سەکۆی هەڵدانی درۆنەکان پەسەند کرد