پووختەى هەواڵەکە

• دیلان غەفوور: پێویستە پێشوەختە پارەى نەوتى سپى بدرێتە بەغداد.

• بەغداد نەوتى سپى دیکە ڕەوانەى هەرێمى کوردستان دەکات.

• بۆ هەر لیترێک وەزارەتى نەوتى عێراق 250 دینارى دیاریکردووە.

• پشکى پارێزگاى سلێمانى 19.3 ملیۆن لیتر نەوتە.

• پشکى پارێزگاى هەولێر 18.7 ملیۆن لیتر نەوتە.

• پشکى پارێزگاى دهۆک 10.7 ملیۆن لیتر نەوتە.

• پشکى پارێزگاى هەڵەبجە 1.1 ملیۆن لیتر نەوتە.

  ---

دیلان غەفوور، بە کەناڵ8ـى ڕاگەیاند، وەزارەتى نەوتى عێراق، نووسراوى ئاڕاستەى پارێزگاکانى سەڵاحەدین، کەرکووک و نەینەوا کردووە، پارەى نەوتى سپى بۆ هەر لیترێک بخرێتە سەر هەژمارى بانکیى وەزارەتى نەوت، تاوەکو نەوتەکە لە پاڵاوگەى سمود و کۆگاکانى بەغداد و نەینەوا، نەوتى سپى بۆ پارێزگاکانى هەرێمى کوردستان دابین بکرێت.

بە گوێرەى داتاکانى وەزارەتى نەوتى عێراق:

• دابەشکاريى ئەو 50 ملیۆن لیترە بە جۆرێکە:

• پارێزگاى سلێمانى 19 ملیۆن و 314 هەزار لیتر.

• پارێزگاى هەولێر 18 ملیۆن و 740 هەزار لیتر.

• پارێزگاى دهۆک 10 ملیۆن و 792 هەزار لیتر.

• پارێزگاى هەڵەبجە یەک ملیۆن و 154 هەزار لیترى بەردەکەوێت.

• ڕۆژانە 216 هەزار لیتر بۆ پارێزگاى سلێمانى.

• 180 هەزار لیتر بۆ پارێزگاى هەولێر.

• 108 هەزار بۆ پارێزگاى دهۆک.

• 36 هەزار لیتر بۆ پارێزگاى هەڵەبجە دەگوازرێتەوە.

هاوکات، سەلام عومەر، بەڕێوەبەرى بەرهەمە نەوتییەکانى سلێمانى بە کەناڵ8ـى ڕاگەیاند، ڕۆژى دووشەممە تانکەرەکانى ئەو کۆمپانیایەى نەوتەکە دەگوازنەوە، دەچنە پارێزگاکانى عێراق، بۆ تەواوکردنى ڕێکارەکان و گواستنەوەى نەوتى سپى بۆ خێزانەکان.

ئەوەشى ڕوونکردەوە، سەرەتا لە ناوچە کوێستانی و شاخاوییەکان دەست بە دابەشکردن دەکرێت، کە بۆ هەر 100 لیترێک 32 بۆ 33 هەزار دینار لە خێزانەکان وەردەگیرێت.