پووختەى هەواڵ

• 89 کۆچبەر ڕزگارکراون و کۆچبەرێک بێسەروشوێنە.

• بەدواداچوون دەکرێت بۆ ئەوەى بزانرێت هاونیشتمانیى کوردیان تێدایە یان نا.

بەلەمێکی کۆچبەران لە کاتی هەوڵدان بۆ پەڕینەوە لە کەناڵی ئینگلیز، ژێرئاو کەوت و 89 کۆچبەر ڕزگارکراون و کەسێکیش بێسەروشوێنە.

دەسەڵاتدارانی فەرەنسا:

• ئەو بەلەمەی کۆچبەران ڕۆژی یەکشەممە هەوڵیداوە کەناڵی ئینگلیز بەرەو بەریتانیا ببڕێت، بەڵام بەلەمەکە ژێرئاو کەوتووە.

• 89 کۆچبەری نایاسایی لەلایەن دەسەڵاتدارانی فەرەنسا و بەریتانیاوە لەڕێگەی بەکارهێنانی بەلەم و هێلیکۆپتەرەوە ڕزگارکراون.

ئامارە سەرەتاییەکان:

• کۆچبەرێک بێسەروشوێنه، بۆ ماوەی چەند کاتژمێرێکیش هەڵمەتی گەڕان بەدوای ئەو کۆچبەرەدا بەردەوام بووە.

پێشڕەو عەبدوڵا، نوێنەری کۆمەڵەی پەنابەرە گەڕاوەکان لە ئەورووپا بۆ کەناڵ8:

• بەدواداچوونمان کردووە بەڵام تاوەکو ئێستا بۆمان ڕووننەبووەتەوە، کە ئایا هیچ هاونیشتمانییەکی هەرێمی کوردستان لەنێو ئەو بەلەمەدا بووە یان نا.

• یەکێک لە هۆکارەکانی درەنگ ئاشکرابوونی چارەنووسی ئەو هاونیشتیمانییانەی لەڕێگەی کۆچدا تووشی ڕووداوی نەخوازراو دەبن ئەوەیە، خۆیان بە هاوڵاتی ئێرانی لە قەڵەم دەدەن و بەڵگەنامەی ئەو وڵاتەیان پێیە، بۆیە بەدواداچوون بۆ چارەنووسیان کاتی زۆری پێدەچێت.

لەسەرەتای ئەمساڵەوە، 25 کۆچبەر لەکاتی هەوڵدان بۆ گەیشتن بە بەریتانیا لە کەناڵی ئینگیلز گیانیان لەدەستداوە، لە بەرامبەریشدا 23 هەزار و 500 کۆچبەر گەیشتوونەتە ئەو وڵاتە.

زانیاریى زیاتر بۆ تۆ:

"بۆ ناشیرینکردنى کوردە" ڤیدیۆی بەلەمێکی کۆچبەران لە بەریتانیا هەرای ناوەتەوە