نرخی بەنزین لە هەرێمی کوردستان بەردەوامە لە بەرزبوونەوە و لیترێک بەنزینی نۆرماڵ نزیکبووەتەوە لە هەزار دینار.

ماوەی چەند هەفتەیەکە، هەفتە لەدوای هەفتە نرخی بەنزین بەرزتردەبێتەوە و لەدوایین بەرزبوونەوەشدا 50 دینار چووەتەسەر هەر لیترێک بەنزینی نۆرماڵ و موحەسەن، بەوجۆرە لەماوەی مانگێکدا 100 دینار چووەتەسەر هەر لیترێک بەنزین.

ئێستا نرخی لیترێک بەنزینی نۆرماڵ بەرامبەر 925 دینار و بەنزینی موحەسەن بەرامبەر هەزار و 170 دینار و بەنزینی سۆپەریش بەرامبەر هەزار و 370 دینارە.

بەهۆی ئەم دۆخەوە، ئێستا لە هەولێر خواست لەسەر ئەو بەنزینە زیادیکردووە کە حکومەتی عێراق بە نرخی پاڵپشتیکراو دابینی دەکات، ئەوەش نۆرەی بەنزینی زیادکردووە.