د.هێمن مەحمود محەمەد، پسپۆڕی نەشتەرگەریی گشتی

چارەسەری هەمیشەیی بەردی زراو تەنیا و تەنیا نەشتەرگەریی لابردنی تورەکەی زراوە، بەڵام ئەو کەسانەی بەردی زراویان هەیە باشترە پارێزبکەن و هەندێک رێنمایی تایبەت پەیڕەوبکەن بۆ ئەوەی بەردەکە کێشەی گەورەتریان بۆ دروستنەکات:

• پارێزبکەن لە ژەمی قورس و خواردنی چەور: وەکو کەباب و دووگی ئاژەڵ، کفتە، سەروپێ، بنکڕی برنج، یاپراخ، قەیماغ، خواردنی فاست فوود و سوورەوەکراو

• خۆیان لە سەرما و کەشوهەوای سارد بپارێزن

• کارێک نەکەن زۆر ماندوویان بکات و ئارەقیان پێبکاتەوە و بێتاقەبن

سەرەڕای ئەمانەش، هەرکاتێک بەهۆی بەردەکەوە ئازاریان بۆ دروستبوو، باشترین کات بۆ ئەنجامدانی نەشتەرگەری سێ بۆ چوار رۆژی سەرەتای دروستبوونی ئازارەکەیە.