پووختەى هەواڵەکە

• ڕێبوار تەها: تیروپشکی کۆتایی لە ژێر چاودێری ڕاستەوخۆی دەسەڵاتی دادوەریدا ئەنجام دەدرێت.

• ئەحمەد کەرکووکی: پشکنین و هەڵسەنگاندنی فۆڕمەکان لە قایمقامییەتی کەرکووک تەواو بووە.

  ---

بەگوێرەى زانیارییەک گەیشتووە بە کەناڵ8، پڕۆسەی جیاکردنەوە بۆ دامەزراندنی زیاتر لە حەوت هەزار کەس لەسەر میلاکی گرێبەستەکانی پارێزگای کەرکووک کۆتاییهات و جێگرى پارێزگارى کەرکووکیش دەڵێت، تیروپشکی کۆتایی لە ژێر چاودێری دەسەڵاتی دادوەریدا دەبێت.

چۆنێتى پڕۆسەکە:

• ڕێبوار تەها، بۆ کەناڵ8: بۆ دامەزراندنی حەوت هەزار و 303 پۆست.

• 142 هەزار هاوڵاتی فۆڕمی ئەلیکترۆنییان پڕکردووەتەوە.

• بە مەبەستی گەرەنتییکردنی دادپەروەری، نووسراوێکى فەرمی ئاڕاستەی دادگای تێهەڵچوونەوەی کەرکووک کراوە.

• بۆ دەستنیشانکردنی چەند دادوەرێک، تاوەکو بەشێوەیەکی یاسایی سەرپەرشتی پڕۆسەی تیروپشکەکە بکەن.

• ئەحمەد کەرکووکی: پشکنین و هەڵسەنگاندنی فۆڕمەکان لە دیوانی قایمقامییەتی کەرکووک تەواو بووە.

• ئەنجامدانی تیروپشکەکە تەنیا ئەو داواکارانە دەگرێتەوە کە بڕوانامەی ئەکادیمییان نییە.

لە دوای تەواوبوونی ئەم قۆناغە یاساییە لە ژێر چاودێری دادوەراندا، ناوی کۆتایی سەرجەم وەرگیراوان بە فەرمی ڕادەگەیێنرێت و لایەنە پەیوەندیدارەکان بەردەوام دەبن لە بەدواداچوونی ورد بۆ پاراستنی مافی سەرجەم پێشکەشکاران.

زانیاریی زیاتر بۆ تۆ:

پارێزگاری کەرکووک: داوای جێگیرکردنی 7,000 پلەی وەزیفی و مووچەی 2,200 وانەبێژ دەکەین