نوعمان: لێپێچینەوە لە قاچاخچییەکانی نەوت دەبێتە وانەیەک بۆ هەر کەسێک یاری بە سامانی گشتی بکات
پووختەی هەواڵەکە
سەباح نوعمان دەڵێت، لێپێچینەوە لە قاچاخچییەکانی نەوت قەڵغانێک دەبێت بۆ هەر کەسێک یاری بە داهاتی گشتی بکات.
نوعمان: ئەنجوومەنی باڵای دادوەری پاڵپشتی لە ڕێکارەکانی حکومەت دەکات بۆ لێپێچینەوە لە قاچاخچییەکانی نەوت
گوتەبێژی فەرماندەی گشتیی هێزە چەکدارەکانی عێراق ڕایگەیاند، لێپێچینەوە لە تۆمەتبارانی بە قاچاخبردنی نەوت دەبێتە قەڵغانێک و وانەیەکە بۆ هەر کەسێک کە یاری بە داهاتی گشتی دەکات.
سەباح نوعمان، گوتەبێژی فەرماندەی گشتیی هێزە چەکدارەکانی عێراق:
لەماوەکانی ڕابردوو ڕاپۆرت دراوە لەسەر بەهەدەردانی سامانی گشتی و بەقاچاخبردنی نەوت لە ناوچەی جەرفولسەخر کە لەڕێگەیەوە هێڵی ستراتیجیی گواستنەوەی نەوتی خاو لە بەسڕەوە دەچێتە پاڵاوگەی دۆرە و وێستگەی مسەییەب.
ئاگادارکردنەوە بۆ بەرپرسانی ئەمنی لەو پارێزگایانە دەرکراوە کە سەلمێندراوە کەمتەرخەم بوون لە پاراستنی سامانی گشتی و بەرەنگاربوونەوەی بەقاچاخ بردنی نەوت و لێپێچینەوەیان لەگەڵ دەکرێت.
تێوەگلاوان لە بە قاچاخبردنەکە ڕەوانەی دادگا دەکرێن.
ئەنجوومەنی باڵای دادوەری پاڵپشتی لە ڕێکارەکانی حکومەت دەکات و لێپێچینەوە لەو کەسانەی نەوتیان بە قاچاخبردووە. دەکرێت.
