پووختەى هەواڵەکە

• ڕۆژانە نزیکەی 55 هەزار بەرمیل لە هەرێمی کوردستان بەرهەمهاتووە.

• تێکڕای نرخی بەرمیلێک نەوت لە هەرێمی کوردستان بۆ چارەکی سێیەم 38.5 دۆلار بووە.

• داهاتی فرۆشتنی نەوتی هەرێمی کوردستان بۆ دی ئێن ئۆ زیاتر لە 98 ملیۆن دۆلار بووە.

  ---

زانیارییەک گەیشتووە بە کەناڵ8، کۆمپانیای دی ئێن ئۆی نەرویجی لە ڕاگەیێندراوێکدا لە ماڵپەری فەرمی خۆیان ئاشكرای دەکات، ڕێژەی بەرهەمهێنانی نەوت بە بەراورد بە چارەکی دووەمی ئەمساڵ زیادیکردووە و گەیشتووەتە 142 هەزار و 800 بەرمیل نەوتی ڕۆژانە.

بە گوێرەی ڕاپۆرتەکەی دی ئێن ئۆ:

• بەرهەمهێنانی نەوت لە هەرێمی کوردستان گەیشتووەتە 54 هەزار و 914 بەرمیل لە ڕۆژێکدا.

• بەم جۆرەش 38.4%ـی کۆی بەرهەمهێنانی کۆمپانیاکەی پێکهێناوە.

• بۆ نرخی بەرمیلێک نەوت، بە نرخی 38 دۆلار و 50 سەنت فرۆشراوە لە ناوخۆدا.

• ئەوەش بەرزترین ئاستە لە دوای ڕاگرتنی هەناردە لە 2023 دا.

• داهاتی نەوتی فرۆشراو لە چارەکی سێیەمدا زیاتر لە 98 ملیۆن دۆلارە.

لە هەرێمی کوردستان کارەکانی هەڵکەندن لە چارەکەی سێیەمی ئەمساڵ زیادیان کردووە و کارکردن لە هەڵکەندی هەشت بیری نەوتی نوێ بەردەوامە.

کۆمپانیای دی ئێن ئۆ لە کێڵگەکانی تاوکێ و پێشخاپوور سەرقاڵی هەڵکەندن و دەرهێنانی نەوتە لە هەرێمی کوردستان و بڕی نەوتی یەدەگی دڵنیایی لەو بلۆکانەی کاری تێدا دەکات بە 200 ملیۆن بەرمیل نەوت دەخەمڵێنرێت.

زانیاریی زیاتر بۆ تۆ:

دى ئێن ئۆ بڕى بەرهەمهێنانى نەوتى لە تاوکێ و پێشخابوور ئاشکرا کرد