
لە تورکیا 85 کەس 44.58 ملیار لیرەیان بۆ زیانلێکەوتووان گەڕاندەوە.
لە تورکیا دەستبەسەر موڵکی ژمارەیەک گومانلێکراودا گیرا.
لە قەیرانی سندوقەکانی وەبەرهێنان تێوەگلاون.
لە تورکیا لێکۆڵینەوە لەو فریودانە بەردەوامە کە لە سندوقەکانی وەبەرهێناندا کراوە و بەهۆیەوە نیو ملیۆن وەبەرهێنەری بچوک زیانیان کردووە.
ئاکن گویرلەک:85 کەس کە لە دۆسیەی سندوقەکانی وەبەرهێنان تێوەگلاون و قازانجی گەورەیان کردووە.
44 ملیار و 58 ملیۆن دۆلاریان بۆ زیانلێکەوتووان گەڕاندووەتەوە.
دۆسیەکە کە لە لایەن سەرۆکایەتیی داواکاری گشتیی کۆماریی ئیستانبوڵەوە سەرپەرشتیدەکرێت.
تاوەکو ئێستا 632 گومانلێکراو ناویان هاتووە.
تۆمەتبارن بە ساختەکاریی ڕێکخراو و پێشێلکردنی یاسای بازاڕەکانی سەرمایە و سپیکردنەوەی ئەو پارەیەی بە هۆی تاوانەوە بەدەستهاتووە.
تاوەکو ئێستا قەییوم بۆ 91 کۆمپانیا دانراوە.
دەست بەسەر سامانی 181 دامەزراوە و 551 کەسایەتیدا گیراوە.
هەژمارە بانکییەکانیان بلۆک کراوە.
بڕیاری دەستبەسەرداگرتن بۆ 1867 ئۆتۆمبێل، چوار فڕۆکە، سێ کەشتی و 378 موڵکی نەگواستراوە دەرکراوە.
دەست بەسەر نزیکەی 13 ملیار لیرەشدا گیراوە.
کە لە لایەن گومانلێکراوانەوە ڕەوانەی بەریتانیا، سویسرا، لۆکسمبۆرگ، بەحرەین، یۆنان، ئەڵمانیا، چیک، ئیتاڵیا و ئیمارات کراون و بلۆک کراون.
دۆسییەی سندوقەکانی وەبەرهێنان لە تورکیا یەکێکە لە گەورەترین قەیرانە دارایی و سیاسییەکانی ساڵی 2026، کە تیایدا زیاتر لە 450 هەزار وەبەرهێنەر زیانیان بەرکەوت و بەهای زیاتر لە 17 بۆ 20 ملیار دۆلار (نزیکەی 800 ملیار لیرەی تورکی) لە سندوقەکاندا تووشی داڕمان و لێکۆڵینەوەی دادوەری بوونەوە.