Serokê Parlementoya Tirkiyê Numan Kurtulmuş di çarçoveya gotûbêjên derbarê destûra nû serdana Partiya DEMê kir.
Serokê Parlementoya Tirkiyê Numan Kurtulmuş îro di çarçoveya gotûbêjên li ser destûra bingehîn a nû serdana Partiya Wekhevî û Demokrasiyê ya Gelan (Partiya DEMê) kir. Civîn demjimêr 12:00’an de li Parlementoyê destpê kir.
Hevserokên Partiya DEMê Tulay Hatimogullari û Tuncer Bakirhan, her wiha Serokwekîlên Koma Partiya DEMê Gulistan Kiliç Koçyigit û Sezai Temelli tevlî civînê bûn.
Tê pêşbînîkirin, piştî civînê daxuyaniyek hevbeş bê ragihandin. Her wiha, Kurtulmuş jî dê piştî serdana Partiya DEMê, Partiya Saadetê û Partiya IYI daxuyaniyekê bide.
Tê pêşbînîkirin Endamên Partiya DEMê di civînê de li ser mijara doza Kobanî, binpêkirinên Qeyûman û biarmancgirtina şaredariyan biaxivin.
Hat zanîn, Partiya DEMê dê nêrnên xwe derbarê amadekariyên destûreke demokratîk parve bikin û bi Kurtulmuş gotûbêjan derbarê pirsgirêkên weke biryarên Dadgeha Mafên Mirovan a Ewropî û bisiyasîkirina darazê bikin.
Kurtlumuş serdana Partiya DEMê dike.
— Channel 8 Kurmancî (@Ch8Kurmanci) May 2, 2024
Serokê Parlementoya Tirkiyê Numan Kurtulmuş di çarçoveya gotûbêjên derbarê destûra nû serdana Partiya DEMê kir.
Agehiyên zêdetir: https://t.co/9qWX75AYD4 pic.twitter.com/ul7AWC2wk3
