ZEYDÎ: EM ŞANAZIYÊ BI VÊ QURBANIYA MEZIN DIKIN

Serokwezîrê Iraqê Elî Zeydî, ji bo salvegera Enfala Barzaniyan peyamek belav kir û tekezî li ser berdewamiya xebata niştimanî ji bo rûbirûbûna hemû astengî û zehmetiyan kir. Zeydî diyar kir ku ev qurbaniyên giran bûne bingehek ji bo hilatina roja azadiyê li Iraqê.

EBDÎ: MAYÎN ASTENGIYA SEREKE YA LI PÊŞIYA VEGERA KOÇBERÊN SERÊKANIYÊ YE

Endamê Tîma Serokatiya Sûriyeyê ji bo cihbicihkirina Peymana 29ê Çileyê, Mistefa Ebdî ragihand ku heya niha heşt karwanên koçberan ji parêzgeha Hesekê bi ewlehî vegeriyane Efrînê. Ebdî destnîşan kir ku amadekariyên ji bo vegerandina xelkê Serêkaniyê ji Qamişlo û Hesekê berdewam in, lê belê mayînên çandî û bermahiyên şer niha bûne astengiya sereke ya li pêşiya vê proseyê.

ÎRAN GEFÊN GIRTINA TENGAVA HURMUZÊ Û RÊREWÊN AVÎ DIXWE

Sekreterê Encûmena Bilind a Asayîşa Niştimanî ya Îranê peyameke tund arasteyî Waşingtonê kiriye û hişyarî daye, ku heger dorpêça li ser benderên welatê wan neyê rawestandin, hêzên wan ên çekdar ne tenê Tengava Hurmuzê bi tundî digirin, lê belê dê rêrewên din ên avî jî pûç bikin.