Puxteya Nûçeyê

• Wezîrê Parastinê yê Tirkiyeyê Yaşar Guler derbarê piştgiriya leşkerî ya ji bo Erebistana Siudî di çarçoveya "Peymana Mekkeyê" ya ku di navbera Tirkiye, Erebistana Siûdî û Pakistanê de hatiye îmzekirin de ji medyaya Tirkiyeyê re axivî.

• Guler ragihand ku leşkerên Tirk dê bi Hûsîyan re nekevin pevçûneke rasterast û diyar kir ku mebesta sereke ya vê piştgiriya leşkerî rawestandina êrişan e.

• Wî her wiha destnîşan kir ku nexşerêya fermî û çarçoveya piştgiriyê dê piştî ku peyman di Parlamentoya Tirkiyeyê de bê erêkirin û pesendkirin diyar bibe.

Daxuyaniyên Sereke û Mijarên Balkêş

• Mebest pêşîgirtin û Aramî ye: Guler diyar kir ku ev model dê mîna ya li Qeterê be û got: "Mebesta me ya sereke pêşîlêgirtina êrişan e. Em bi ti awayî plan nakin ku tevlî ti pevçûnekê li dijî Hûsiyan bibin. Pêşîniya me ew e ku em rê li ber derketina aloziyên nû li herêmê bigirin û beşdariyê di ewlehî û îstîqrarê de bikin.

• Biryara Parlamentoyê: Guler anî ziman ku ji bo avakirina vê piştgiriyê, pêwîstî bi qedandina pêvajoya yasayî û pesendkirina parlamentoyê heye.

• Pêşniyara ji Misirê re: Guler ragihand ku Tirkiye amade ye peymaneke mîna vê bi Misirê re jî îmza bike û got: Her wiha, em amade ne ku derbarê diyarkirina sînorên herêmên desthilata deryayî de, peymanekê bi Misirê re îmze bikin. Pêşniyara me ji bo Misirê zelal e: eger Misir peymaneke wiha bi welatê me re îmze bike, li gorî her peymaneke ku dibe bi Yewnanistanê re pêk bîne, ew ê nêzîkî 15 hezar kîlometreyên çargoşe zêdetir herêmên desthilata deryayî bi dest bixe.

• Mutabaqata Bedirê û Hevkariya Parastinê: Guler nirxandina xwe ya ser "Mutabaqata Bedirê" ku di navbera Tirkiye, Qeter, Endonezya û Pakistanê de hatiye îmzakirin parve kir. Wî destnîşan kir ku ev lihevkirin bingeha xwe ji baweriya dualî û armancên hevpar werdigire û xebatên hevpar ên di qada pîşesaziya parastinê û imkanên leşkerî de dê asta hevkariya van welatan bibe asteke bilindtir.

Ji Bo Agahdariya We
Erebistana Siûdî di salên dawî de ji ber êrişên mûşek û balafirên bêmirov ên Hûsî yên Yemenî rûbirûyî rîskên mezin ên ewlehiyê ye. Hevpeymaniya sêalî ya navbera Tirkiye, Pakistan û Erebistana Siûdî ku wekî "Peymana Mekkeyê" tê pênasekirin. Ev yek pêngaveke nû ye ji bo avakirina sîwaneke parastinê û hevsengiyekê li hember gefên herêmî. Şîroveya Yaşar Guler a ku tekez dike ku ew naxwazin leşkerên wan bi Hûsîyan re rpev biçin, nîşan dide ku Enqere dixwaze bêyî ku bi xwe rasterast bibe parçeyek ji şerê navxweyî yê Yemenê an jî şerê rasterast ê li dijî alîgirên Îranê, bandora xwe ya leşkerî û diplomasî di qada Kendavê de zêde bike.

Bêtir bixwînin: Ev nûçe ji we re hatine bijartin

Ji bo nûçeyên nû, bi berdewamî KANAL8ê bişopînin: