Hikûmeta Tirkiyê bi rêya tedbîrên nû, amadekariyan dike da ku wan mijaran sînordar bike yên ku di Youtubê de tên weşandin.

Serokê Desteya Bilind a Radyo û Televizyona Tirkiyê Ebûbekir Şahîn dazanîn, tedbîrên me yên nû û civînên me bi Youtubê re ji bo girtina Youtubê nîne, berûvajî ji bo rêxistina wê ye û heta niha me destwerdan li naveroka ti mijareke Youtubê nekiriye.

Ebûbekir Şahîn Got jî, “Ji bilî mijar û weşanên take kesî yên Youtubê, hemû weşanên din jî li jêr çavdêriya desteya wan de ne”.

Şahîn ragihand, hemû kesên ku li Tirkiyê bi rêya Youtubê mijar û programan diweşînin, pêdiviye destûrê ji saziya wan wergirin û dazanîn, civînên wan bi Youtubê re berdewam in û niha pêşniyarên wan tên nirxandin, got jî, li benda bersiva berpirsên Youtubê ne.

Di dema bihûrî de hikûmeta Tirkiyê platforma İnstagramê daxist, lê piştî hejmarek ji hevdîtin û civînan digel berpirsên wê platformê, İnstagramê hin şertên wî welatî pejirandin û ji sînoradariyê hate derxistin.