Rêxistina Bijîşkên Bêsînor bi daxuyaniyekê dilgiraniya xwe li hemberî êrîşên li ser bendava Tişrînê û armancgirtina tendirustkaran anî ziman.

Rêxistina Bijîşkên Bêsînor li ser rûpela xwe ya Facebook’ê da zanîn, zêdebûna şer û pevçûnan li bendava Tişrînê û gundewarên Minbicê cihê dilgiraniyê ye û divê aliyên şer li Bendava Tişrînê sivîl û tendirustkaran biparêzin.

Bijîşkên Bêsînor dest nîşan kir, hin rapor hene ku li bendava Tişrînê ambulans û tendirustkar hatine armancgirtin û hin karmendan jiyana xwe ji dest daye.

Her wiha diyar kir, ev êriş hewldanên xebatên alîkariyên mirovî yên jiyana gelek sivîlan li Bakur û Rojhilata Sûriyê rizgar dike, radiwestîne.

Di dawîyê de Bijîşkên Bêsînor diyar kir, divê hemû aliyên şer li derdora Bendava Tişrînê li gorî pîvan û zagonên navdewletî sivîl û tendirustkaran biparêzin.