Di çarçoveya peymana di navbera Meclisa Giştî ya Taxên Şêxmeqsûd û Eşrefiyê û desthilata Şamê de, hêzên leşkerî dê tevî çekên xwe ji her du taxan vekişin.

1’ê Nîsanê Meclisa Giştî ya Taxên Şêxmeqsûd û Eşrefiyê û desthilata Şamê li ser rewşa her du taxan peymanek ji 14 bendan îmze kiribû.

Evîn Şêxmûs li #Heleb'ê ye: Ez ê her 14 xalên Peymana HSD-Şamê yên taxên Şêx Meqsûd û Eşrefiyê bişopînim..#Aleppo #HSD #Şam pic.twitter.com/xK9PgHTMQR

— Channel 8 Kurmancî (@Ch8Kurmanci) April 4, 2025

Di çarçoveya peymanê de duh (Pêncşem) benda serbestberdana girtiyên her du aliyan pêk hat û 146 dîlgirtiyên Meclisa Şêxmeqsûd û Eşrefiyê û 97 kesên girêdayî desthilata Şamê hatin berdan.

Îro jî dê benda 6’an a derbarê vekişandina hêzên leşkerî ji her du taxan ber bi herêma rojhilatê Firatê ve bikeve meriyetê û hêzên leşkerî ji her du taxan vekişin.