Serokomarê Tirkiyê Recep Tayyîp Erdogan ji bo hevdîtina bi Serokê Amerîkayê Donald Trump re ber bi Koşka Spî ve diçe. Bidestxistina balafirên F-35, mijara HSDyê û zêdekirina qebareya bazirganiyê di nav armancên sereke de ne.

Armancên sereke yên civînê ji bo Tirkiyê

F-16, F-35, balafirên Boeing, rakirina dorpêçan û piştgiriya Amerîkayê ya ji bo HSDyê di nav armancên herî eşkere yên civînê de ji bo Tirkiyê ne. Trump çend roj beriya civînê got, "Em bi Erdogan re li ser kirîna hejmareke mezin ji balafirên Boeing, peymanek li ser F-16, F-35 nîqaş dikin, û em li ser hejmarek peymanên bazirganî û leşkerî dixebitin."

Mijara S-400 û F-35

Kirîna sîstema parastinê ya S-400 ya Rûsyayê bû sedem ku Amerîka dorpêçan li ser Enqereyê ferz bike û kirîna F-35an qedexe bike. Di sala 2019an de, Erdogan got, "Me gav avêt û pere da, lê we F-35 nedan me. Ew gefê li me dixwin û ji me re dibêjin ku em S-400an vegerînin Rûsyayê. Em dewletek eşîrî nînin. Em Tirkiye ne.

Tirkiye dev ji S-400 an F-35 bernade, ku ew xala kor e ku Erdogan dixwaze bi kêmtirîn zirarê veke.

Mijara HSD û Rojavayê Kurdistanê

Tirkiye 10 sal in hewl dide ku Amerîkayê razî bike ku pişta xwe bide Rojavayê Kurdistanê, lê Amerîkayê, piştî 10 salan zexta Tirkiyeyê, HSD wekî hevalbendê xwe yê stratejîk bi nav dike.

Bi zêdebûna gefên Tirkiye û Sûriyeyê li ser Rojavayê Kurdistanê, armanca Erdogan di vê civînê de ev e; Divê rêveberiya nû ya Amerîkayê zextê li HSDyê bike ku zûtir tevlî artêşa Sûriyeyê bibe û pirsgirêkê bê çek çareser bike, nemaze ji ber ku Tirkiye naxwaze helwesta Îsraîl û Amerîkayê bi operasyonek leşkerî li dijî Rojava re rûbirû bibe.

Pêşxistina qebareya karsaziyê

Armancek din a Tirkiyeyê ew e ku bazirganiyê bi Amerîkayê re zêde bike. Erdogan sê roj berî civînê got, "Armanca wan ew e ku bazirganiya bi Amerîkayê re bigihînin 100 milyar dolarî."

Hêviyên ji civînê

Niha çavên her kesî li ser civînê ne û Erdogan dixwaze bi destên tijî vegere welatê xwe.