Di çarçoveya rûbirûbûna firoşkarên madeyên hişbir de, li parêzgeha Semsûrê ya Bakurê Kurdistanê 11 firoşkarên madeyên hişbir hatin binçavkirin. 

Li gorî agahiyan, tîmên Fermandariya Cendermeyan a Navçeya Golbaşiyê ya li Semsûrê, li heft navnîşanên cuda yên li wê navçeyên Semsûr û Meletiyê, operasyonên hevdem hatin li dar xist û hejmarek firoşkarên madeyên hişbir hatin binçavkirin. 

Di operasyona danê sibê de, dest bi ser zêdetirî 5 kîlo madeyên hişber yên cure bi cur, demançeyek, 328 fîşekên demançeyan, 5 şarjorên demançeyê û 3 tifingan de hate girtin. 

Herwiha di tevahiya operasyonan de 11 kes hatin binçavkirin; Heft gumanbar li navçeya Golbaşiyê û çar gumanbar ji  navçeya Doganşehirê hatin binçavkirin.

Kesên hatine binçavkirin ji bo lêpirsînê birine rêveberiya cendirmeyan. Li ser bûyerê lêpirsîn hatiye destpêkirin.