Li parêzgehên Wan, Colemêrg û Bedlîsê yên Bakurê Kurdistanê ji ber şert û mercên neyînî yên hewayê di veguhestinê da tengasî çêbûne û rêya 8 gundan hatiye girtin.

Şaredariya Bajarê Mezin a Wanê di daxuyaniyekê de ragihand, ji ber berf û bagerê li tevahiya bajêr rêya 8 cih û waran girtî ye.

Tîmên berf  paqijkirinê  karên xwe yên vekirina rêyên girtî didomînin.

Li navçeya Gurpinarê mijeke zêde ketiye. Li navçeyê ji ber mijê mesafeya dîtinê daket û ajokaran zehmetî kişand.

Her wiha li Şemzînana navçeya Colemêrgê jî xebatên vekirina rêya herêma baregehê ya li gundê Kayalarê berdewam in.

Tîmên Rêveberiya Taybet a Parêzgehê li devera ku stûriya berfê cih cihan ji 3 metreyî zêdetir e, zehmetî kişand.

Xebatên berfê yên li devera çiyayî bi dronê hat kişandin.

Li Bedlîsê jî ji ber berf û bagerê rêya cih û warekî girtî ye. Tîmên Rêveberiya Taybet a parêzgehê xebata vekirina rêya girtî da destpêkirin.