Ji navbirina binesaziya girava Xargê dikare ziyaneke gelek mezin bigihîne Îranê.

Ji ber ku zêdetirî 90% ji hinardekirina petrola xav a Îranê di ser vê giravê re derbas dibe, cihekî sitratîjîke çûnkî nêzîkî bîrên petrolê û navendên hilberînê ye.

Beravên Xargê kûr in, lewma keştiyên gelek mezin (super-tanker) dikarin bi hêsanî lê bisekinin.

Keştiyên petrolê yên pir mezin ku dikarin heta 85 milyon galon petrol hilgirin, dikarin nêzîkî benderên dirêj ên vê giravê bibin û petrolê bar bikin.

Xarg, giraveke piçûk û kevirî ye ku tenê 24 kîlometre ji beravên Îranê dûr e. Tevî piçûkbûna xwe, ev girav wekî yek ji beşên herî girîng ên binesaziya enerjiyê ya Îranê tê hesibandin.

Êrîşa Amerîkayê li ser vê girava piçûk wekî hedefgirtina demara aboriya Îranê ye.

Tanker piştî barkirinê, di Tengava Hurmizê re derbas dibin da ku bigihîjin Çînê, ku kirêdarê sereke yê petrola Îranê ye.

Ev girav ku wekî termînala sereke ya hinardekirina petrola Îranê tê naskirin, yek ji çavkaniyên herî girîng ên dahatê bo Supaya Pasdarên Îranê ye.

Êrîşkirina ser girava Xarg dibe ku bibe sedema bilindbûna bihayê petrolê li cîhanê û dibe ku Îranê neçar bike ku binesaziyên petrolê yên zêdetir li seranserê Rojhilata Navîn bike armanc.