Nizar Amêdî wekî nûnerê herêma Behdînanê, pêncemîn serokomarê Kurd ê Iraqê ye.

Piştî hilweşîna rejîma Beasê di sala 2003an de, Kurdan di ji nû ve avakirina Iraqê de roleke sereke lîstin. Partiyên Iraqî û Kurdî li hev kirin ku Mam Celal divê wekî yekem serokomarê Kurd vê postê bigire. Mam Celal di 7ê Nîsana 2005an de dest bi kar kir û heta 24ê Tîrmehê du xulan xizmet kir. Di vê demê de, ew wekî "Semamî Emanê Iraqê" dihat nasîn û pozîsyona navneteweyî ya Iraqê bilind kir.

Fuad Masum û derbasbûna sînorên herêmî

Di sala 2014an de, Dr. Fuad Masum wekî duyemîn serokomarê Kurd piştî Mam Celal bawerî wergirt. Fuad Masum, li Koyê ji dayik bûye û malbata wî ji Hewramanê ve çûne wî bajêrî.

Berhem Salih; Xwendekarê Mam Celal di serokomariyê de

Ji sala 2018an heta 2022an, Dr. Berhem Salih ê li Silêmaniyê ji dayik bûye wek serokomar kar kir. Berhem Salih wek kesayetiyek bihêz û xwedî ezmûn dihat nasîn, pir caran wek xwendekarekî dibistana siyasî ya Mam Celal dihat binavkirin û dikarîbû wan ezmûnan bikar bîne da ku vê postê bimeşîne.

Letîf Reşîd û girîngiya pisporiyê di desthilatdariyê de

Di 13ê Cotmeha 2022an de, Dr. Ebdulletîf Reşîd wek serokomar hat diyarkirin. Berê Wezîrê Çavkaniyên Avê li Iraqê bû. Diyarkirina wî ji bo xurtkirina wê ramanê bû ku kesayetî girîngiyê didin vê postê.

Nizar Amêdî; Nûnerê Behdînanê

Nizar Mihemed Seîd, ku wekî Nizar Amêdî jî tê nasîn, niha wek kesayetiyek nû ji Behdînan bûye serokomar.

Amêdî di sala 1968an de li navçeya Amêdî ji dayik bûye û ji Zanîngeha Mûsilê di endezyariya mekanîkê de derçûye. Ew xwedî gelek ezmûn e, di nav wan de:

Ji sala 1993 heta 2003, wî di nivîsgeha Sekreterê Giştî yê YNKyê de xebitî.

Ji sala 2005 heta 2022, wî wekî şêwirmendê sê serokkomarên Iraqê xebitî.

Ji sala 2022 heta 2024, ew Wezîrê Jîngehê yê Iraqê bû.

Ew endamê Mekteba Siyasî ya YNKyê û serokê Mekteba Siyasî ya partiyê li Bexdayê ye.

Nizar Amêdî; Di dîroka parlementoyê de xwedî hejmara herî zêde ya dengan e (227)

Piştî Mam Celal, Nizar Amêdî di parlamentoya Iraqê de herî zêde deng bi dest xistiye.