Serokê Yekîtîya Niştimanî ya Kurdistanê (YNK) Bafil Celal Talebanî, peyameke pîrozbahiyê ji Serokwezîrê Iraqê Elî Zeydî re şand.

Di peyamê de wiha hat gotin: "Ez bi germî pîrozbahiyê li Birêz Elî Falih Zeydî, Serokwezîrê Hikûmeta Federal û wezîran dikim ji bo wergirtina baweriya Encûmena Nûneran û di erkê we yê nû de serkeftinê dixwazim."

Talabanî di peyama xwe de got: "YNK dê bi coş alîkariya we bike di serkeftina projeyên neteweyî û xizmetên hikûmetê de û hewldanên me ji bo derbaskirina dijwariyan û çareserkirina pirsgirêkan bike yek."

Parlamenterên Iraqî bawerî dane karnameya Zeydî û 14 wezaretan. Serokê Yekîtîya Niştimanî ya Kurdistanê (YNK) Bafil Celal Talebanî û hejmarek ji serokên navdar ên Iraqî beşdarî dengdana baweriyê ya li ser kabîneya Zeydî bûn.