Supaya Pasdarên Şoreşa Îranê ragihand ku di 24 saetên bihurî de 35 keştî ji Tengava Hurmuzê derbas bûne.

Hêza Deryaya Pasdarên Şoreşa Îranê di daxuyaniyekê de got, "Di 24 saetên bihurî de, me destûr da 35 keştiyan ku ji Tengava Hurmuzê derbas bibin."

Hêza Deryaya Pasdarên Şoreşê nasnameya keştiyan eşkere nekir, lê got ku ew tankerên bazarganî û petrolê bûn.

Supaya Pasdarên Şoreşa Îranê di daxuyaniyekê de got ku tevî nearamiya ku ji hêla Amerîkayê ve li tengavê hatiye afirandin, hêzên wê karîne rêyeke avê ya ewle ji bo derbasbûna keştiyên bazarganî biafirînin.

Berê, şêwirmendê leşkerî yê Rêberê Bilind ê Îranê Mojteba Xameneyî, Mohsen Rezaî, got ku Tengava Hurmuzê dê ji bo bazarganiyê vekirî be û ji bo dagirkirinê girtî be. Her wiha amaje pê kir ku "Heger Amerîka venekişe, Deryaya Omanê dê ji bo keştiyên wan bibe goristan."