Hêzên ewlehiyê yên Tirkiyeyê îro deriyê avahiya CHPyê li Enqerê şikandin û Ozgur Ozel bi zorê ji avahiya partiyê derxistin.

Ji roja Pêncşemê ve ku dadgehê biryar da ku 38emîn kongreya asayî ya partiyê were betalkirin, Ozgur Ozel û rêveberiya partiyê were ji kar werin dûrxistin û serokê berê yê partiyê Kemal Kiliçdaroglu û rêveberiya ku di 37emîn kongreya partiyê de hatine hilbijartin, ji bo kar werin vegerandin.

Îro serê sibê, hejmarek parlamenterên nêzîkî serokê vegeriyayî Kemal Kiliçdaroglu û hejmarek alîgirên partiyê hewl dan ku bikevin navenda CHPyê.

Di navbera parlamenter û alîgirên Kiliçdaroglu de alozî derket û alîgirên Ozel deriyên baregehê girtin.

Cîgirê Serokê Koma CHPyê Alî Mahîr Başarir kesên ku çûne baregehê wekî mafya bi nav kir û got ku kesên ku hatine çekdar bûn, ji ber vê yekê wî bang li hemû endam û xelkê partîyê kir ku biçin baregeha CHPyê û xwedî li partîya xwe derkevin.

Parlamenterê CHPyê Mahir Polat, ku di nav wan kesan de bû ku dixwestin bikevin navenda partiyê, got ku rewşek xirab e, lê ew piştrast in ku partî dê di demek nêzîk de kongreyek li dar bixe û pirsgirêkên xwe çareser bike.

Serokê CHPê yê ji kar dûrxistî Ozgur Ozel di civîneke çapemeniyê de got ku ew ê bi Kemal Kiliçdaroglu re, ku ji aliyê dadgehê ve ji nû ve hatiye hilbijartin, bicive, bi şertê ku ew di nav 40 rojan de biryar bide ku kongreyekê li dar bixe.

Ozgur Ozel Kilioçdaroglu rexne kir û got ku ew bi awayekî neqanûnî vegeriyaye serokatiya partiyê.Her wiha Ozel da diyarkirin ku ew ê di civînên pêş ên partiya xwe de biaxive, ne Kiliçdaroglu.

Ozel got, "Heke hûn guh bidin gotinên endamên CHPyê yên li kolanan, dê eşkere bibe ku tu kes ji wan guhertina serokê partiya xwe qebûl nake."

Her wiha Ozel got ku Kiliçdaroglu bi biryara dadgehê û di bin zexta AK Partiyê de ji nû ve wekî serokê CHPê hatiye hilbijartin.

Piştî ku alîgirên Ozel û rêveberiya partiyê ya di nav baregehê de red kirin ku baregehê radestî Kiliçdarogli û alîgirên wî bikin, serokê CHPyê Kemal Kiliçdaroglu yê ku vegeriya ji polîsên Enqereyê xwest ku alîkariya wan bikin ku bikevin nav avahiya partiyê.

Li ser bingeha daxwazê, parêzgariya Enqereyê ferman da polîsan ku baregeha leşkerî vegerînin û Kiliçdaroglu got ku dê li dijî her kesê ku li dijî biryara dadgehê derkeve tedbîr bên girtin.

Ozel ji medyaya nêzîkî partiya xwe re got ku her çend şandeyek biryar bû ku roja Yekşemê bi şanda Kemal Kiliçaroglu re bicive jî, hin parlamenter û alîgirên Kiliçdaroglu ji saet 7ê sibê ve çûne baregeha partiyê.

Li ser daxwaza Kiliçdaroglu, hêzên ewlehiyê yên Enqereyê dest bi ketina navenda CHPyê kirin û Ozgur Ozel peyamek bi dîmen weşand û got ku ew di bin êrîşê de ne lê ew ê baregeha xwe radest nekin.

Ozel got, “Eger ew bi zorê ji avahiyê werin derxistin, ew ê berê xwe bidin kolanan û parlamentoyê û têkoşîna xwe bidomînin.”

Ozel di berdewimay axaftina xwe de wiha pê de çû: Ew dixwazin vê baregehê bigirin û wêran bikin. Em ê ji vir dernekevin. Ez nizanim em ê çiqasî tehemûl bikin. Lêbelê, em ne kesên ku destên xwe li dijî polîsên dewletê bilind bikin in.

Berê, fermana valakirina baregeha xwe ji aliyê dadgehê ve ji bo Ozel hatibû şandin, lê wî ew ferman li ber kamerayan qetand.

Piştî demek kurt, hêzên ewlehiyê bi gaza rondikrêj deriyên baregeha CHPyê şikandin û Ozel û alîgirên wî derxistin.

Ozgur Ozelê ku ji 138 parlamenterên partiya xwe 110 parlamenter hene, got, "Em ê biçin lê em ê vê baregehê dîsa bistînin û dema ku em dîsa vegerin vir, ev rejîm û ew kesên ku destwerdan kirine wê cesaret nekin ku vê yekê bikin."

Ozel, Kiliçdaroglu û alîgirên wî tawanbar kir ku ew bi rêya kongreyê û bi dengên endamên kongreyê bi rêya AK Partî û dadgehên di bin desthilatdariya wî de tiştê ku ew nekarîn bi dest bixin, bi dest xistine.

Ozgur Ozel got ku wan ji saet 7ê sibê ve ji Kiliçdaroglu xwestiye ku roja kongreyê ragihîne lê wan ev daxwaz paşguh kiriye.

Ozel got ku şandên herdu aliyan biryar bû ku saet 12ê nîvro bicivin, lê wan serê sibê êrîşî baregeha CHPyê kirin.

Ozel got, “Dema ku ev partî hate damezrandin, baregeheke bi navê baregeh tine bû. Piştî damezrandina parlementoyê, baregeha yekem a CHPyê di hundirê parlementoyê de bû.”